නවතම පුවත්

ඉදිරි මැතිවරණ ස්වාධීන හා සාධාරණ ලෙස පැවැත්වීමට මාධ්‍ය උපමාන නීතියක් සකස් කරන්න සහය දෙන්න – මැකෝ

උමංග බණ්ඩාර

උමංග බණ්ඩාර

ඉදිරි මැතිවරණ වඩාත් ස්වාධීන හා සාධාරණ ලෙස පැවැත්වීම තහවුරු කිරීම සඳහා මාධ්‍ය උපමාන නීතියක් ලෙස සම්මත කර ගැනීමට පාර්ලිමේන්තුවේ සහය ලබාදෙන ලෙස මැතිවරණ කොමිසමේ සභාපති මහින්ද දේශප්‍රිය මහතා කථානායක කරූ ජයසූරිය මහතාගෙන් ඉල්ලා සිටියේය.

මේ සඳහා වන යෝජනා ඉදිරියේදී පාර්ලිමේන්තුවට ඉදිරිපත් කරන බවද මහින්ද දේශප්‍රිය මහතා සඳහන් කළේය.

එමෙන්ම දැනට අත්හිටුවා ඇති පළාත් සභා මැතිවරණය ඉක්මනින්ම පැවැත්වීම සඳහා අවශ්‍යවන  රෙගුලාසි පාර්ලිමේන්තුවේදී හැකි ඉක්මනින් සම්මත කර  දෙන මෙන්ද මැතිවරණ කොමිසමේ සභාපතිවරයා කථානායක කරූ ජයසූරිය මහතාගෙන් ඉල්ලා සිටියේය.

පසුගිය ජනාධිපතිවරණය පැවැත්වුනු ආකාරය පිළිබඳව කථානායකවරයා දැනුම්වත් කිරීමට මැතිවරණ කොමිසමේ සාමාජිකයන් ඊයේ (25) පාර්ලිමේන්තුවේදී කරු ජයසූරිය මහතා හමුවූ අවස්ථාවේදී ඉහත කරුණු සාකච්ජා විය.

කථානායක ජයසූරිය මහතා සමඟ පාර්ලිමේන්තුවේ මහ ලේකම් ධම්මික දසනායක මහතා සහ නියෝජ්‍ය මහ ලේකම් හා කාර්ය මණ්ඩල ප්‍රධානී නීල් ඉද්දවල මහතාද මෙම අවස්ථාවට සහභාගී වූහ.

ඉදිරි මැතිවරණ වඩාත් ස්වාධීනව හා සාධාරණව පැවැත්වීමට අවශ්‍ය වටපිටාව සැකසීමට අවශ්‍ය මාධ්‍ය උපමාන නීතියක් බවට පත්කිරීමට අවශ්‍ය සහයෝගය පාර්ලිමේන්තුව වෙතින් ලබාදීමට කටයුතු කරන බව කථානායකවරයා මෙහිදී සඳහන් කළේය.

එමෙන්ම පසුගිය ජනාධිපතිවරණය ස්වාධීන හා සාධාරණව පැවැත්වීමට මැතිවරණ කොමිෂන් සභාව ගත් පියවර කථානායකවරයාගේ පැසසුමට ලක් විය.

මෙහිදී තවදුරටත් අදහස් දැක්වූ දේශප්‍රිය මහතා යම් ලෙසකින් ජනාධිපති ගෝඨාභය රාජපක්ෂ මහතා ලබන මාර්තු මස පළමු වැනිදායින් පසු පාර්ලිමේන්තුව විසුරුවා හැරීමක් සිදු කළහොත් 2020 අප්‍රි‍යෙල් මහ අගදී හෝ මැයි මුල් සතියේදී පාර්ලිමේන්තු මැතිවරණය පැවැත්විය හැකි බවද සඳහන් කළේය.

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී