නවතම පුවත්

‘කොවිඩ් නිසා, ගෝලීය ආර්ථිකයේ දැඩි පසුබෑමක්’ – ලෝක බැංකුවේ නවතම පුරෝකථනය මෙන්න !

පැතුම් වික්‍රමරත්න

පැතුම් වික්‍රමරත්න

කොවිඩ් වසංගතයේ ප්‍රතිඵලයක් ලෙස මේ වනවිට සමස්ථයක් ලෙස  ගෝලීය ආර්ථිකය “අඳුරු තත්ත්වයකට” මුහුණ දී ඇති බවට ලෝක බැංකුව අනතුරු අඟවා ඇත .

එහි සභාපති ඩේවිඩ් මැල්පාස් මාධ්‍ය වෙත සඳහන් කර සිටියේ තම ආයතනයේ   නවතම පුරෝකථනයන්ට අනුව , 2021 දී 5.5%ක් වූ ගෝලීය ආර්ථික වර්ධනය මේ වසරේ 4.1% දක්වා අඩුවනු ඇති බවයි.

කොවිඩ් වසංගතයේ අතුරු ඵලයක් ලෙස ගෝලීය අසමානතාවය පුළුල්වී ඇති බවත් උද්ධමනයට එරෙහිව පොර බැඳීම නිසා දුප්පත් රටවල් ආර්ථික පරිහානියට ගොදුරුවිය හැකි බවත් ඔහු මෙහිදී  පෙන්වා දී ඇත

“දුප්පත් රටවල් සඳහා වූ ඉදිරි දැක්ම තවමත් පසුගාමීව යි තිබෙන බවත්  එම රටවල ආර්ථික අනාරක්‍ෂිතභාවයට හේතු වන බවත් ඔහු පෙන්වාදේ .

2023 වසරේදී පවා ,  සංවර්ධනය වෙමින් පවතින සහ නැගී එන රටවල නිෂ්පාදනය, කොවිඩ්වලට පෙර පැවති ප්‍රමාණයටත් වඩා 4%කින් අඩුවනු ඇතැ යි අපේක්ෂා කෙරෙන බවද ඔහු පවසයි ..

, ධනවත් රටවල උත්තේජක වැඩසටහන් හේතුවෙන් දිළිඳු රටවලට අහිතකර ඵලවිපාක ලැබෙන බවත් ලෝක බැංකු සභාපතිවරයා අනතුරු අඟවා ඇත

“පොළී අනුපාත ඉහළ දැමීමෙන් පාවෙන අනුපාතවලට ණය ගන්නා මිනිසුන් [එනම්,] නව ව්‍යාපාර, කාන්තාවන් සතු ව්‍යාපාර, සංවර්ධනය වෙමින් පවතින රටවල ව්‍යාපාර අපහසුතාවයට පත් වෙනවා,” මැල්පාස් මහතා  මෙහිදී  පැවසීය.

ඔහු  තව දුරටත් අනතුරු ඇඟවූයේ, සැපයුම් දාමවල ඇති බාධක සහ උත්තේජක වැඩසටහන් ලිහිල් කිරීම ආර්ථික අවදානම් මතු කරන බව යි.

ඔමික්‍රෝන් සහ ඩෙල්ටා කොවිඩ් ප්‍රභේදවල ව්‍යාප්තිය හේතුවෙන්, ලෝක බැංකුව ජුනි මස පුරෝකථනයේ දී බලාපොරොත්තු වූවාටත් වඩා 2021 දෙවන භාගයේ ආර්ථික මන්දගාමීත්වය ඉහළ අගයක් ගත්තේ ය. එය මේ වසරේ “ප්‍රකාශිත මන්දගාමිත්වයක්” අපේක්ෂා කරන අතර, ගෝලීය වර්ධනය 2023 දී 3.2% දක්වා තවදුරටත් පහත වැටෙනු ඇතැ යි පුරෝකථනය කර තිබේ.

“කොවිඩ් සහ රටවල් හුදෙකලා කිරීම විශේෂයෙන් දුප්පත් රටවල්වලට ලොකු බලපෑමක් ඇතිකරවන බවද  මැල්පාස් මහතා  අවධාරණය කර ඇත

ගෝලීය ආර්ථික මන්දගාමිත්වය සමග චීනයේ වර්ධන වේගය පසුගිය වසරේ වූ 8% සිට 5.1% දක්වා පහත වැටෙනු ඇතැ යි අපේක්ෂා කෙරේ. 2021 දී එක්සත් ජනපදයේ අගය වූ 5.6%ට සාපේක්ෂව මේ වසරේ 3.7%කින් අඩුවනු ඇතැ යි පුරෝකථනය කරන අතර, යුරෝපීය කලාපයේ එය 5.2% සිට 4.2% දක්වා මන්දගාමීත්වයක් ලබනු ඇතැ යි ලෝක බැංකුව අනාවැකි පළ කරයි.

එසේම ලතින් ඇමරිකාවේ සහ කැරිබියන් කලාපයේ පසුගිය වසරේ 6.7% සිට 2022 දී 2.6% දක්වා වර්ධනය මන්දගාමී වනු ඇතැ යි ලෝක බැංකුව  අනුමාන කරයි .

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී