නවතම පුවත්

ගල්කිස්ස වෙරළට යළිත් කසළ කඳු ගොඩගසයි – පොලිස්පති බලන්න යයි

අසංක

අසංක

ගල්කිස්ස වෙරළ තීරයට යළිත් ඊයේ දිනටත් ප්ලාස්ටික් පොලිතීන් ඇතුළු අපද්‍රව්‍ය ගොඩ ගසා ඇති අතර පොලිස්පති සී.ඩී. වික්‍රමරත්න මහතා එහි අද නිරීක්ෂණයට එක්විය.

ඒ පොලීසිය විසින් එම වෙරළ පවිත්‍ර කිරීම පාර්ශ්ව කිහිපයක් සමග එක්ව සිදුකරන අතරතුර දීය.

එම පිරිසිදු කිරීමේ වැඩපිළිවෙල අද දිනයේත් ක්‍රියාත්මක කර තිබුණි.

සංචාරක ආකර්ෂණය බෙහෙවින් දිනාගත් ගල්කිස්ස වෙරළ තීරයට හදිසියේම අසාමාන්‍ය ලෙස කසළ විශාල ප්‍රමාණයක් ගොඩගැසීම සම්බන්ධයෙන් විශේෂ පොලිස් පරීක්ෂණයක් ද ආරම්භ කර තිබේ.

බස්නාහිර පළාත් ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ උපදෙස් මත මෙම විමර්ශනය පැවැත්වෙන්නේ ගල්කිස්ස කොට්ඨාසය භාර ජ්‍යෙෂ්ඨ පොලිස් අධිකාරී රොහාන් ප්‍රේමරත්න මහතාගේ අධීක්ෂණයෙනි.

බීම බෝතල් ,පොලිතින් ඇතීන් ඇතුළු මෙම අපද්‍රව්‍ය ගල්කිස්ස වෙරළට පළමුවරට ගොඩ ගසනු ලැබුවේ පසුගිය 04 වෙනි දා ය.

විශාල කසල තොගයක් වෙරළට ගොඩ ගැසුණු අතර එම කසළ නගර සභාව සේවකයන් ද පොලිසිය ද පරිසරවේදීන් ද එක්ව පවිත්‍ර කරන ලදී.

එම කසල ගැඹුරු මුහුදේ පාවී පැමිණි ඒවා නොවන බව පැහැදිලි බව විමර්ශනකයන්ගේ අදහසයි.

මෙම කසළ පළාත් පාලන ආයතනයකින් ඉවත දමන ලද ඒවා බව ද සැක මතුව තිබේ.

බොහෝ විට මෙම කසළ මුහුදට සම්බන්ධ ජලාශයකට බැහැර කර ඇති බවත් ජලාශය ඔස්සේ එම කසල මුහුදට එක්ව වෙරළට ගොඩගසා ඇති බවට සැක පළ වේ.

කසල තොගය අතර ඇති විවිධ සාක්ෂි ඔස්සේ පරීක්ෂණ ක්‍රියාත්මක බව පොලිස් තොරතුරු අනාවරණය කළේය.

කොවිඩ් වසංගතය සම්බන්ධයෙන් පළාත් පාලන ආයතනයක් සටහන් තැබූ බෑග්ද ඒ අතර ඇති බැවින් මෙම කසල තොගය මාස දෙක තුනකට වඩා පැරණි නොවන බව අනුමාන කෙරේ.

 

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී