ගොවිජන මන්දිරය යළි ත් කෘෂිකර්ම අමාත්‍යංශය යටතට ගැනීමට රජය සැලසුම් කර ඇත.
ඊට අදාළ කැබිනට් පත්‍රිකාව ලබන සතියේ කැබිනට් මණ්ඩලයට ඉදිරිපත් කිරීමට නියමිතව ඇත.
මෙලෙස ගොවිජන මන්දිරය, කෘෂිකර්ම අමාත්‍යංශයට යළි පවරා දීමෙන් අනතුරුව දැනට රාජගිරියේ බදු පදනම මත පවත්වාගෙන යන ස්ථානයෙන් එය ඉවත් කිරිමටද රජය සැලසුම් කර ඇත.
දශක ගණනාවක් කෘෂිකර්ම අමාත්‍යංශය පවත්වාගෙන ගිය ගොවිජන මන්දිරය, පසුගිය රජය සමයේ පාර්ලිමේන්තු අධීක්ෂණ කාරක සභා සඳහා බව පවසමින් කැබිනට් පත්‍රිකාවක් මගින් පාර්ලිමේන්තුවට පැවරීමට පියවර ගත්තේ ය.
