තමන් ජනාධිපති අපේක්ෂකයා ලෙස නම් කරනු ඇති බවට පූර්ණ විශ්වාසයක් පවතින බව එක්සත් ජාතික පක්ෂ නියෝජ්‍ය නායක අමාත්‍ය සජිත් ප්‍රේමදාස කියයි.
මේ වනවිට පැවැත්වෙන මාධ්‍ය හමුවක් අමතමින් හෙතෙම පෙන්වාදෙන්නේ තමාගේ අපේක්ෂකත්වය පිළිබඳ පක්ෂ නායකත්වය වෙත ලිඛිතව දැනුම් දුන් බවය.
එක්සත් ජාතික පෙරමුණේ ජනපති අපේක්ෂකයා නම් කිරීම කඩිනමින් කළ යුතු එකක් බව ද හෙතෙම කියාසිටියි.
අගමැතිවරයා වෙත යොමු කරන ලද තම ලිපිය තුළ අපේක්ෂකයා නම් කිරීම පිළිබඳ තීන්දුවක් ගැනීම සඳහා එක්සත් ජාතික පෙරමුණේ පාර්ලිමේන්තු කණඩායම හා කෘත්‍යාධිකාරී මණ්ඩලය එක්වර කැඳවා තීන්දුවක් ගන්නා ලෙස ද සඳහන් කළ බව හෙතෙම කියාසිටියේය.
අමාත්‍ය මංගල සමරවීර මහතාගේ නිල නිවසේ පැවැත්වූ මෙම මාධ්‍ය හමුවට අමාත්‍යවරුන් වන මලික් සමරවික්‍රම, කබීර් හෂීම්, චන්ද්‍රානි බණ්ඩාර, රංජිත් මද්දුමබණ්ඩාර සහභාගි වී සිටියහ.
