‘වෙස්ට් කරීනා’ සහ ‘වෙස්ට් පොලාරිස්’ නැමැති පැනමා ධජය යටතේ යාත්‍රා වන තෙල් ගවේෂණ නෞකා පසුගියදා, දිගු කාලීන ආම්පන්න සැකසීමකට හා අලුත්වැඩියා සේවා සඳහා හම්බන්තොට ජාත්‍යන්තර වරායේ නැංගුරම් ලෑවේය. මෙම වසරේ ජනවාරි මාසයේදී පැමිණි මෙම නෞකා පිළිවෙලින් වසරක් සහ හය මසක කාලයක් වරායේ රැඳෙනු ඇත.
හම්බන්තොට ජාත්‍යන්තර වරාය සමූහයේ වාණිජ හා අලෙවිකරණ සාමාන්‍යාධිකාරී ලාන්ස් සූඕ මහතා පවසන්නේ මෙසේ දීර්ඝකාලීනව රැදී සිටින නෞකා සඳහා අවශ්‍ය වන ප්‍රතිපාදන සැපයීම් සහ අනෙකුත් සේවාවන් ලබා දීම සඳහා දේශීය සේවා සපයන්නන්ට මෙය කදිම අවස්ථාවක් වන බවයි. ‘නඩත්තු කිරීම්, කාර්ය මණ්ඩල වෙනස් කිරීම සඳහා අවශ්‍ය සහාය, සමීක්ෂණ පැවැත්වීම, අපද්‍රව්‍ය ඉවත් කිරීම් වැනි සේවාවන් මේ අතර සුවිශේෂි වේ’ යැයි ඔහු ප්‍රකාශ කරයි.
සේවාවන් පිළිබඳව අදහස් දක්වමින් හේලීස් බලශක්ති සේවා ලංකා (පුද්ගලික) සමාගමේ අධ්‍යක්ෂක සහ උපායමාර්ගික ව්‍යාපාර ඒකක ප්‍රධානි රිකී බානට් මහතා සඳහන් කරන්නේ මෙම නෞකා දෙකෙහි පැමිණීම, හම්බන්තොට වරායේද සහය සහිතව පවත්වාගෙන යන ව්‍යාපාරය තුළ ලැබූ තවත් එක් ජයග්‍රණයක් බවයි.
වරාය සතු ව්‍යාපාරික දැනුම, නැව් සඳහා පහසුකම් සැපයීම සඳහා දැක් වූ සහයෝගය සහ වර්තමාන අභියෝගයන්ට මුහුණ දීම සඳහා ඔවුන්ගේ මෙහෙයුම් යථා වැඩිදියුණු කිරිම, මෙම සාර්ථකත්වයට හේතු වූ බව, අධ්‍යක්ෂකවරයා වැඩිදුරටත් කියා සිටී.
