නවතම පුවත්

පන්නිපිටියේ යකා නැටූ රථවාහන පොලිස් නිලධාරියා අත්අඩංගුවට

අසංක

අසංක

රිය අනතුරක් සම්බන්ධයෙන් රියදුරු සමග උරණ වී එම රියදුරාට දොනෝදාහක් බලා සිටියදී පන්නිපිටියේදී අමානුෂික ලෙස පහරදුන් මහරගම පොලිස් ස්ථානයේ රථවාහන අංශයේ පොලිස් කොස්තාපල්වරයා අත්අඩංගුවට ගෙන තිබේ.

අද (29) පෙරවරුවේ මෙම පහරදීම සිදුව ඇත්තේ හයිලෙවල් මාර්ගයේ දී අධික රථවාහන තදබදයක්ද පැවතියෙදීය.

රියදුරාව උස්සා පොලොවේ ගසා ඔහුගේ සිරුරමත නැග පාගමින් එම අමානුෂික ප්‍රහාරය එල්ලවී ඇත.

එම පහරදීම ජංගම දුරකතනයකින් පටිගතකරන ලද පුද්ගලයෙක් එය සමාජ මාධ්‍ය මගින් ප්‍රසිද්ධ කිරීම හේතුවෙන් මෙම අමානුෂික ක්‍රියාව යටපත් කිරීමට පොලීසියට හැකියාව ලැබී නැත.

මෙසේ පොලීසියේ අමානුෂික ප්‍රහාරයකට ලක්ව ඇත්තේ නුවරඑළියේ සිට කොළඹට එළවළු ප්‍රවාහනය කරන ලොරි රථ රියදුරෙකි.

එම රියදුරාට පහරදෙන පොලිස් කොස්තාපල්වරයා මිරිහාන පොලීසියට අනුයුක්තව මාස හතරක කාලයකට මහරගම පොලීසියේ රථවාහන රාජකාරිය සදහා යොදවා ඇති අයෙකි.

පොලීසිය පැත්තෙන් සදහන් කරන ආකාරයට අනුව එම පහරදීම සිදුව ඇත්තේ පන්නිපිටියේ රථවාහන රාජකාරියේ නිරතව සිටි මහරගම පොලිසියේ රථවාහන අංශයේ ස්ථානාධිපති පොලිස් පරීක්ෂක මෛත්‍රීපාල නිලධාරියාව එම ලොරි රථයේ ගැටී අණතුරට ලක්වීමය.

මාර්ගයේ මැද දූපත් කොටසේ රැදී සිටි පොලිස් පරීක්ෂකවරයාව ලොරියේ ගැටීමත් සමග උරණ වූ රථවාහන රාජකාරියේ නිරතව සිටි පොලිස් කොස්තාපල්වරයා ලොරි රථයේ රියදුරාව වාහනයෙන් පිටතට ගෙන උස්සා පොලොවේ ගසා ඔහුගේ සිරුර මතට පැන පාගා තිබේ. එහිදී පොලිස් නිලධාරියා එම පුද්ගලයාගේ ඇග මතටද වැටී ඇත.

මෙම වීඩියෝව සමාජ මාධ්‍ය ජාලයේ ප්‍රචාරය වීමත් සමග එය දුටු මහජන ආරක්ෂක ඇමති සරත් වීරසේකර මහතා පොලිස්පතිවරයාට නියෝගකර ඇත්තේ වහාම එම නිලධාරියාගේ වැඩ තහනම්කර විධිමත් පරීක්ෂණයක් කරන ලෙසය. ඒ අනුව පොලිස් කොස්තාපල්වරයාගේ වැඩ තහනම් කර ඔහුව අත්අඩංගුවට ගෙන ඇත.

ලොරි රථයේ රියදුරා එම පහරදීම සම්බන්ධයෙන් විමර්ශනයක් අනවශ්‍ය යැයි පවසන බවත් අනතුරට ලක්වුණු පොලිස් පරීක්ෂකවරයා කොළඹ ජාතික රෝහලේ හදිසි අනතුරු අංශයේ ප්‍රතිකාර ලබන බවත් පොලිසිය සදහන් කරයි.

අත්අඩංගුවට ගත් පොලිස් කොස්තාපල්වරයා පොළොන්නරුවේ පදිංචිකරුවෙක් වන රිස්මිඩීන් නැමැත්තෙකි. හෙට (30) ඔහුව අධිකරණයට ඉදිරිපත් කිරීමට නියමිතය.

පෙර පුවත
රියැදුරෙක් බිම දා ඇඟට පැන්න පොලිස් නිලධාරියාගේ වැඩ තහනම් කරයි

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී