නවතම පුවත්

පලාලි ජාත්‍යන්තර ගුවන් ගමන් ජුලි 01දා සිට

පැතුම් වික්‍රමරත්න

පැතුම් වික්‍රමරත්න

ජාත්‍යන්තර ගුවන් තොටුපළක් ලෙස වසර ගණනාවක් පුරා නාම පුවරුවට සීමා වී තිබූ පලාලි ගුවන් තොටුපොළේ ජාත්‍යන්තර ගුවන් සේවා ජූලි 01 දා සිට අරඹන ලෙස වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතා ඊයේ (17) පලාලි ගුවන් තොටුපොළ බලධාරීන්ට හා ගුවන් තොටුපොළ හා ගුවන් සේවා සමාගමට උපදෙස් දුන්නේය.

පලාලි ගුවන් තොටුපොළ නිරීක්ෂණ චාරිකාවට එක්වෙමින් අමාත්‍යවරයා කියා සිටියේ,යුද්ධයෙන් විනාශ වී තිබූ උතුරු පළාතේ සංවර්ධන කටයුතු ඇරඹීමට 1996 පළමු වරටයාපනයට පැමිණි අවස්ථාවේ කොටි සංවිධානය තමන්ට මරාගෙන මැරෙන බෝම්බ ප්‍රහාරයක් එල්ල කළ ද උතුරේ ජනතාවට සේවය කිරීමට දෛවය තමන්ට දෙවන වරටත් ඓතිහාසික අවස්ථාවක් ලබා දී ඇති බවය.
පලාලි ගුවන් තොටුපලේ සිට ඉන්දියාවට පමණක් නොව අනෙක් රටවලටද නව ගුවන් ගමන් සේවා ඇරඹීමට ගුවන් සමාගම් සමග සාකච්ඡා කරන ලෙස අමාත්‍යවරයා මෙහි දී බලධාරීන්ට උපදෙස් දුන්නේ ය.


පලාලි ගුවන්තොටුපොළේ දැනට පවතින පහසුකම් පිළිබඳ සොයා බැලූ අමාත්‍යවරයා අවශ්‍ය නවීකරණයන් සමග තීරු බදු බදු රහිත සාප්පු සංකීර්ණයක් කඩිනමින් එහි ස්ථාපිත කරන ලෙස පැවසීය.
දැනට පවතින ගුවන් පථයට ගොඩ බැස්සීමේ හැකියාව ඇත්තේ මගීන් හැත්තෑ දෙදෙනකු (72) රැගෙන යන ගුවන් යානා වලට පමණක් බැවින්,එම ගුවන් පථය තව දීර්ඝ කිරීමට අවශ්‍ය කටයුතු කළ යුතු බව ද මෙහි දී බලධාරීහු පෙන්වා දුන්හ.
පලාලි ගුවන්තොටුපොළ සහ කන්කසන්තුරේ වරාය සංවර්ධනය කිරීමත් සමගම විදෙස්ගත දමිල ප්‍රජාවට තමන්ගේ මව්බිමට උතුරට පැමිණ තමන්ගේ මුදල් ආයෝජනය කරමින් නව ව්‍යාපාර ආරම්භ කරන ලෙස අමාත්‍යවරයා මෙහි දී විදේශගත දමිළ ප්‍රජාවට ආරාධනා කර සිටියේය.
එසේම පලාලි ගුවන්තොටුපොළේ දැනට සේවය කරන නිලධාරීන් වරින්වර කටුනායක ගුවන් තොටුපොළට ද කටුනායක ගුවන්තොටුපලේ සේවය කරන අය පලාලි ගුවන් තොටුපළට අනුයුක්ත කර සිංහල දෙමළ භාෂා දෙකේම ප්‍රවීණතාවය ඔවුන්ට ලබාදීමට කටයුතු කරන ලෙස ද අමාත්‍යවරයා විශේෂයෙන් සඳහන් කළේය.
පලාලි ගුවන්තොටුපොළ සංවර්ධනය කිරීම සඳහා ඉන්දියානු රජය ලබා දෙන සහයෝගයට සහ අප රටට ආර්ථික වශයෙන් නැගී සිටීමට අත දීමට ඉදිරිපත්වීම පිළිබඳව අමාත්‍යවරයා ඉන්දියානු රජයට සහ ඉන්දියානු ජනතාවට සිය ප්‍රණාමය පළ කළේය.ඉන්දියාව ලබා දෙන එම ණය ආධාර මුදල ධාවන පථය සංවර්ධනය සඳහා යොදවන බව අමාත්‍යවරයා සඳහන් කළේය.

උතුරේ ජනතාවට ලබා දිය හැකි හොඳම සංවර්ධන ත්‍යාගය පලාලි ගුවන් තොටුපල හා කංකසන්තූරය වරාය සංවර්ධනය කර ඒවා බලගැන්වීම බව ද ඒ තුළින් ආර්ථික සංවර්ධනය සේම උතුරේ සමාජ සංස්කෘතික සංවර්ධනය ද ඇති වන බව අමාත්‍යවරයා පෙන්වා දුන්නේය.
විශේෂයෙන් ඉන්දියානු ජනතාවට මෙරට සංචාරය සඳහා පැමිණීමට ඇති හොඳම සහ ලාභදායීම ගුවන් තොටුපොළ පලාලි ගුවන් තොටුපොළ බව ද අනෙක් රටවල සංචාරකයන් ද පලාලි ගුවන්තොටුපොළ ඔස්සේ රටට පැමිණීමෙන් ඔවුන්ට ද කොළඹ සිට සිය සංචාරක ගමන් අරඹනවාට වඩා පලාලි ගුවන් තොටුපොළට පැමිණ එහි සිට එම සංචාරක ගමන් ඇරඹීම වඩා ලාභදායි බව අමාත්‍යවරයා සඳහන් කළේය

මෙම නිරීක්ෂණ චාරිකාවට හා සාකච්ඡාවට ධීවර අමාත්‍ය ඩග්ලස් දේවානන්ද මහතා ද පාර්ලිමේන්තුවේ නියෝජ්‍ය කාරක සභාපති හා යාපනය දිස්ත්‍රික් සංවර්ධන කමිටු සභාපති අංගජන් රාමනාදන් මහතා ද අමාත්‍යාංශයේ ලේකම් කේ.ඩී.එස්.රුවන්චන්ද්‍ර මහතා ද ගුවන් තොටුපල හා ගුවන් සේවා සමාගමේ සභාපති විශ්‍රාමික මේජර් ජෙනරාල් ජී. ඒ.චන්ද්‍රසිරි මහතා සිවිල් ගුවන් සේවා අධිකාරියේ නිලධාරීහු ද යාපනය ඉන්දීය කොන්සල් ජනරාල් ශ්‍රී රාකේෂ් නටරාජ් මහතා ද, යාපනය දිසාපතිවරයා ද යුද හමුදා හා ගුවන් හමුදා සහ පොලිස් නිලධාරිහු සහභාගි වූහ.

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී