අමාත්‍ය පාඨලී චම්පික රණවක මහතා ඉදිරි දේශපාලන තීරණ පිළිබද ලබන සතියේදී විශේෂ ප‍්‍රකාශයක් සිදු කිරිමට නියමිත the colombo express අප වෙත වාර්තා වෙනවා.
ජාතික හෙළ උරුමයේ ප්රධාන ලේකම් අමාත්‍ය පාඨලී චම්පික රණවක බස්නාහිර සහ මහ නගර සභා අමාත්‍යවරයා වන අතර ඉදිරියේදී බිහිකිරිමට නියමිත එක්සත් ජාතික පෙරමුණේ ප්රධාන භූමිකාවක් ඔහු දරන බවත් වාර්තා වෙනවා.
එක්සත් ජාතික පක්ෂයේ ජනාධිපතිවරණ අපේක්ෂකයා තවමත් නම් කර නොමැති අතර රනිල් වික්‍රමසිංහ මහතා ඊයේ (06) පැවති එජාප ජේශ්ඨ සමාජිකයන් හමුවේ ප්‍රකාශ කර ඇත්තේ තමන් ජනාධිපති අපේක්ෂකයා ලෙස එජාපයෙන් ඉදිරිපත් වීමට බලාපොරොත්තු වන බවයි. හෙට දිනයේ අගමැතිවරයා සහ සජිත් ප්‍රේමදාස මහතා අතර ජනාධිපති අපේක්ෂකත්වය සම්බන්ධයෙන් විශේෂ සාකච්ඡාවක් පැවැත් වීමට නියමිතයි.
මේ සම්බන්ධයෙන් අමාත්‍ය පාඨලී චම්පික රණවක මහතා අදහස් දක්වමින් කියා ඇත්තේ තවමත් එක්සත් ජාතික පෙරමුණේ ජනාධිපති අපේක්ෂකයා නම් නොකිරිම නිසා, මෙම සතිය තුළ ජනාධිපති අපේක්ෂකත්වය පිළිබද තීරණයක් ගතයුතු බවත් එසේ නොවුන හොත් විකල්ප කි‍්‍රයාමාර්ගයකට එළඹීමට සිදුවන බවද අමාත්‍ය පාඨලී චම්පික රණවක වැඩිදුරටත් ප්‍රකාශ කර සිටි බව වාර්තා වේ.
