නව කොරෝනා වසංගතය පාලනය සඳහා රජය පනවා ඇති සෞඛ්‍ය නීති කඩ කළ පුද්ගලයින් 3061 දෙනෙක් පොලිස් භාරයට ගෙන තිබේ.
මුඛ ආරණ නොමැතිව මහමග සැරිසැරූ සහ සමාජ දුරස්ථභාවය තබා නොගත් අය මෙලෙස අද (19) අළුයම 5.00 න් අවසන් වූ පැය 24 තුළ පොලිස් භාරයට ගත් බව පොලිස් මූලස්ථානය සදහන් කරයි.
ඒ අයගෙන් 2093 දෙනෙක්ම පොලිස්භාරයට ගෙන ඇත්තේ මුඛ ආවාරණ නොමැතිව මහමග ගමන් කිරීම් සහ පොදු ස්ථානවල ගැවසීම් සම්බන්ධයෙනි.
පොලිස් මූලස්ථානය සදහන් කරන්නේ සෙසු 968 දෙනා පොලිස් භාරයට ගෙන ඇත්තේ සමාජ දුරස්ථභාවය නිසි ලෙස තබා නොගෙන කටයුතු කිරීම හේතුවෙන් බවයි.
මෙම පුද්ගලයින් සියළු දෙනාටම අවවාද කර මුදා හැර ඇත.
එහෙත් ඉදඉදිරියේදී නිරෝධායන නීති පිළි ගැනීමකින් තොරව ජනතාව කටයුතු කරන්නේ නම් ඔවුන් අධිකරණයට ඉදිරිපත් කිරීමට පියවර ගන්නා බව පොලිසිය පැවැසීය.
