රුසියානු රජය ඉල්ලා අස්වන බවට ප්‍රකාශ කෙරේ.
ඒ එරට ජනපති ව්ලැද්මීර් පුටින් විසින් තමා තවදුරටත් බලයේ රැඳී සිටීම අරබයා සිදුකිරීමට අපේක්ෂා කරන ව්‍යවස්ථා සංශෝධන යෝජනාව ප්‍රකාශයට පත්කිරීමෙන් පැය කිහිපයකට පසුවයි.
අගමැති දිමිත්‍රි මෙද්වෙදෙව් පවසන්නේ ජනපතිගේ යෝජනාව රුසියානු බල සමබරතාව මුළුමනින්ම උඩුයටිකුරු කරනු ඇති බවයි.
කෙසේවෙතත් ජනපති පුටින් අගමැතිවරයා වෙත යෝජනා කර ඇත්තේ ජාතික ආරක්ෂක කවුන්සිලයේ නියෝජ්‍ය ප්‍රධානි තනතුර බාරගන්නා ලෙසයි.
මෙම බල අර්බුද ඉඟිය මතුවන්නේ පුටින්ගේ සිව්වැනි ධුර කාලය අවසන් වීමට වසර 4ක් ඉතිරිව තිබියදීය.
