නියෝජ්‍ය පොලිස්පති දේශබන්දු තෙන්නකෝන් මහතා බස්නාහිර පළාත් උතුරු දිසා (ගම්පහ දිස්ත්‍රික් ) භාර පොලිස් ප්‍රධානියා ලෙස පත්කර තිබේ.
ජාතික පොලිස් කොමිසම විසින් මෙම පත්කිරීම කර ඇත.
මේ වනතෙක් එම තනතුරේ කටයුතු කළ වැලිකන්ද මහතා ජනාධිපති විමර්ශන කොමිසමේ පොලිස් අංශයේ ප්‍රධානියා ලෙස පත්කර ඇත.
ජ්‍යේෂ්ඨ පොලිස් අධිකාරීවරුන් 5 දෙනෙකු නියෝජ්‍ය පොලිස්පතිවරුන් ලෙස පත්කිරීමට ද ජාතික පොලිස් කොමිසමේ අවධානය යොමුව තිබේ.
එම ජ්‍යේෂ්ඨ පොලිස් අධිකාරීවරුන් වන්නේ පොලිස් සුබසාධන අංශයේ අධ්‍යක්ෂ දමයන්ත විජේසිරි, ක්ෂේත්‍ර බළකා මූලස්ථානයේ අණදෙන නිලධාරී ජගත් චන්ද්‍රකුමාර, පොලිස් මූලස්ථානයේ අධ්‍යක්ෂ රොෂාන් විජේසිංහ, අල්ලස් කොමිසමේ විමර්ශන අංශයේ අධ්‍යක්ෂ ප්‍රියන්ත චන්ද්‍රසිරි, පොලිස් අශ්වාරෝහක කොට්ඨාසයේ අධ්‍යක්ෂ ලක්සිරි විජේසේන යන නිලධාරීන් ය.
