නවතම පුවත්

පොලිසියට නීතිඥවරුන් 150 ක් බඳවා ගැනීමේ තීරණයක්

අසංක

අසංක

ශ්‍රී ලංකා පොලිසියට නීතිඥවරුන් 150ක් බඳවා ගැනීමට අවධානය යොමුව තිබේ.

ඒ බව අධිකරණ අමාත්‍ය අලි සබ්‍රි මහතා අද පොලිසියේ නීති අංශ භාර නියෝජ්‍ය පොලිස්පති අජිත් රෝහණ, නීති අංශයේ අධ්‍යක්ෂ රුවන් ගුණසේකර, ජනාධිපති නීතිඥ යූ. ආර්. ද සිල්වා, අධිකරණ අමාත්‍යාංශ අතිරේක ලේකම් පියුමන්ති පීරිස් යන අය සමඟ පැවති හමුවකදී සාකච්ඡා කර තිබේ.

පොලිස් නිලධාරීන් ලෙස නීතිඥවරුන් බඳවා ගැනීමේ යෝජනාව ජනාධිපතිවරයාගේ අදහසක් බව අධිකරණ අමාත්‍යවරයා එම හමුවේදී ප්‍රකාශ කර ඇත.

මීට අදාළ කැබිනට් පත්‍රිකාව ඉදිරියේදී කැබිනට් රැස්වීමට ඉදිරිපත් කරන බවත් පැවසේ.

මෙම නීතිඥවරුන් බඳවාගනු ලබන්නේ ප්‍රධාන පොලිස් පරීක්ෂක තනතුරට ය.

මේ පිළිබඳ නියෝජ්‍ය පොලිස්පති අජිත් රෝහණ මහතාගෙන් කළ විමසීමකදී ඔහු පැවසුවේ ප්‍රධාන පොලිස් පරීක්ෂකවරුන් ලෙස මෙම නීතිඥවරුන් බඳවාගනු ලබන්නේ ස්ථිර සේවා සඳහා නොව , සහයක සේවා සඳහා බවයි.

වසර තුනක සේවා කාලයකින් පසු සහකාර පොලිස් අධිකාරීවරුන් ලෙස උසස්වීමක් ලබාදීමේ ක්‍රමවේදයක් ද මෙහිදී ක්‍රියාත්මක කෙරේ.

පොලිසියේ දැනට සේවය කරනු ලබන නීතිඥවරුන් ගණන 29ක් පමණකි.

ඔවුන් අතර ජේෂ්ඨ නියෝජ්‍ය පොලිස්පතිවරයෙක්, නියෝජ්‍ය පොලිස්පතිවරුන් හයදෙනෙක්, පොලිස් අධිකාරිවරුන් 14ක්, පොලිස් පරීක්ෂකවරුන් නව දෙනෙක් කටයුතු කරති.

මහජනතාවට නීතිය සමීප කරවීමට සහ පොලිසිය මගින් ලබාදෙන සේවය තවදුරටත් කාර්යක්ෂම කිරීම උදෙසා නීතිඥවරුන් මෙලෙස පොලිසියට බඳවා ගැනීමට අවශ්‍ය වී ඇතැයි ජනාධිපතිවරයා අවධාරණය කර තිබේ.

නඩු කටයුතුවලදී මෙම නිලධාරීන් අධිකරණ කටයුතු සඳහා යොමු කිරීමට හැකියාව පැවතීම ද මෙහි තවත් අරමුණකි.

දිවයිනේ සෑම ප්‍රදේශයකටම මෙලෙස නීතීඥවරුන් බඳවාගෙන පොලිස්ථාන සඳහා යොමු කෙරේ.

අමාත්‍ය මණ්ඩල අනුමැතිය හිමිවීමෙන් පසු ඉදිරියේ දී මෙම බඳවා ගැනීම් සඳහා ගැසට් නිවේදනයක් නිකුත් කිරීමට ද කිරීමටද කඩිනමින් කටයුතු කරන බව වාර්තා වේ.

ශ්‍රී ලංකා පොලිසියට මෙම ක්‍රමවේදය යටතේම වෛද්‍යවරුන් සහකාර පොලිස් අධිකාරීවරුන් ලෙස බදවා ගැනීම දැනට සිදුවන්නකි.

එමෙන්ම සැලසුම් ශිල්පීන්, කාර්මික ශිල්පීන් ද පොලිසියට මේ අයුරින් බඳවා ගැනීම මෙතෙක් පැවතිණ.

අභ්‍යන්තර ආරක්ෂක කටයුතු පිළිබඳ අමාත්‍ය රියර් අද්මිරාල් සරත් වීරසේකර මහතාගේ පුත්‍රයා වෛද්‍යවරයකු වූ අතර ඔහු සහකාර පොලිස් අධිකාරීවරයෙක් ලෙස පොලිස් රෝහලට බඳවා ගැනුණේ ද මේ අනුවයි.

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී