පැතුම් වික්‍රමරත්න
ජනාධිපතිවරණය හා ඊට පසු මතුවිය හැකි විශේෂ දේශපාලන තත්වයන් මුල් කරගනිමින් , ශ්‍රී ලංකා නිදහස් පොදුජන පෙරමුණ හා එක්සත් ජාතික පක්ෂයේ ප්‍රබලයින් පිරිසක් අතර රහස් සාකච්ජා මාලාවක් ආරම්භවී ඇති බව දේශපාලන ආරංචි මාර්ග සඳහන් කර සිටී.
එජාපයේ ප්‍රබලයින් 12 දෙනෙකු සමග දැනටමත් මෙම රහස් සාකච්ජා පැවත්වී ඇති අතර ඉන් 08 දෙනෙකු පමණ දැනටමත් ශ්‍රී ලංකා නිදහස් පොදු ජන පෙරමුණට අවශ්‍ය සහය ලබාදීමට එකඟතාව පළකර ඇති බවටද තොරතුරු වාර්තාවේ.
ශ්‍රී ලංකා නිදහස් පක්ෂයේ ප්‍රධාන පෙලේ නිලධාරීන් දෙදෙනෙකු විසින් මෙම සාකච්ජා සම්භන්ධීකරණය කර ඇති බවටද දැනගන්නට ඇත.
මෙම එජාප ප්‍රබලයින් 08 දෙනා අතරින්ද කිහිපදෙනෙකු හෝ ජනාධිපතිවරණයට පෙර සිටම ප්‍රසිද්ධියේ තම සහය ගෝඨාභය රාජපක්ෂ මහතාට පලකිරීමට පියවර ගනු ඇති බවටද තොරතුරු වාර්තාවේ.
ගෝඨාභය රාජපක්ෂ මහතා ජනපතිවරණය ජයගතහොත් ඉන් අනතුරුව පාර්ලිමේන්තුව විසුරුවාලීමට අවශ්‍ය සහය ලබාදීමට මෙම එජාප ප්‍රබලයින් සියලුම දෙනා , තම පූර්ණ සහය දීමට දැනටමත් එකඟතාව පළකර ඇති බවද වාර්තාවේ .
