ජා- ඇල ප්‍රාදේශිය සභාවේ මන්ත්‍රීවරයෙකුගේ නිවසක් බිදීමට ඊයේ (05) උදෑසන ඇතුළු වූ සොරෙකුට කොවිඩ් 19 වෛරසය ආසාධනය වී ඇතැයි අනාවරණය වීමක් හේතුවෙන්එම සොරාව අත්අඩංගුවට ගැනීමට මුල්වූ පමණුගම පොලිස් ස්ථානයේ ස්ථානාධිපතිවරයා ඇතුළු පොස් ස්ථානයේ සේවයේ නිරතව සිටි නිලධාරීන් 30 දෙනෙක් පොලිස් ස්ථානය තුළම ස්යං නිරෝධායනයට යොමු කර තිබේ.
මහජන සෞඛ්‍ය පරීක්ෂකයින්ගේ නියෝග මත පොලිස් නිලධාරීන් එසේ නිරෝධායනයට යොමු කර ඇත්තේ අද උදෑසන සිටය.
පොලිස් ස්ථානයක්ම නිරෝධායනයට ලක්කරන පළමු අවස්ථාව වන්නේ මෙයය. පොලිස් ස්ථානාධිපතිවරයා නිරෝධායනයට යොමු කර ඇති බැවින් වැඩ බලන පොලිස් ස්ථානාධිපතිවරයෙක් පත්කර පොලිස් ස්ථානයේ දෛනික කටයුතු කිරීම සදහා අලුතින් නිලදාරීන්ද යොමු කර ඇතැයි පොලිස් තොරතුරුසදහන් කළේය.
කොවිඩ් 19 ආසාධනය වී ඇතැයි කියනු ලබන එම සැකකරු මත්කුඩු භාවිතයට ඇබ්බැහි වූවෙකි. ඔහුව අල්ලා පොලීසියට භාරදී ඇත්තේ මන්ත්‍රීවරයාගේ නිවස අවට පදිංචි කරුවන්ය. ඒ අයද ස්යං නිරෝධායනයට යොමු කර තිබේ.
සැකකරුව පොලීසිය අත්අඩංගුවට ගන්නා විට තුවාල ලබා සිට ඇති අතර ඒ නිසාම ඔහුව පමුණුගම රෝහලට ඇතුලත් කිරීමට පොලීසිය පියවර ගෙන තිබේ. අනතුරුව රාගම රෝහලට ඔහුව මාරුකර යවා ඇති අතර ඔහුට වෛරසය ආසාධනය වී ඇතැයි අනාවරණය වී ඇත්තේ එහිදීය.
