මහමැතිවරණයට නාමයෝජනා භාරදී ඇති අපේක්ෂකයන්ගේ මනාප අංක ගැසට් පත්‍රය නිකුත් කිරීම අවලංගු කර තිබේ.
එය අද (04) ප්‍රසිද්ධ කිරීමට මැතිවරණ කොමිසමේ අවධානය යොමුව තිබුණි.
දේශපාලන පක්ෂ නායකයින් සහ නියෝජිතයින් අතර ඊයේ (02) පැවැති විශේෂ හමුවකින් අනතුරුව මැතිවරණ කොමිසම රැස්වී මෙම තීරණය ගෙන තිබුණි.
මැතිවරණ කොමිසම ලබන ජුනි 20 මැතිවරණය පවත්වනවාද වෙනත් දිනයක් ඒ සදහා යොදා ගන්නේදැයි නිෂ්චිත තීරණයකට එළඹ නැත.
පවතින සෞඛ්‍ය තත්වයද සලකා බලා ඉදිරි දෙසතිය තුළ නැවත කොමිසම රැස්වී මහමැතිවරණය පැවැත්වීමේ දිනය ගැන අවසන් තීන්දුවකට එළඹිමට කොමිසම තීරණය කර ඇති බව කොමිසමේ තොරතුරු අනාවරණය කළේය.
