ශ්‍රී ලංකා මහ බැංකුවේ මූල්‍ය මණ්ඩලය විසින් නිත්‍ය තැන්පතු පහසුකම් අනුපාතිකය හා නිත්‍ය ණය පහසුකම් අනුපාතිකය ඉහළ දමා ඇත
ඒ, මෙරට ආර්ථිකය ස්ථාවර කිරීමේ අරමුණින් වන අතර , ඒ අනුව නිත්‍ය තැන්පතු පහසුකම් අනුපාතිකය සියයට 13 යි දශම 5 ක් දක්වාත්, නිත්‍ය ණය පහසුකම් අනුපාතිකය සියයට 14 යි දශම 5 ක් දක්වාත් ඉහළ නැංවීමට මහ බැංකුව කටයුතු කර ඇත.
මේ අතර ශ්‍රී ලංකා මහ බැංකුවේ නව අධිපතිවරයා ලෙස ආචාර්ය නන්දලාල් වීරසිංහ අද සිය රාජකාරී ආරම්භ කළේය . මුදල් අමාත්‍යංශයේ නව ලේකම්වරයා ලෙස පත්වූ මහින්ද සිරිවර්ධන ද සිය ධූරයේ වැඩ ආරම්භ කළේ අද පෙරවරුවේයි.
