මහර බන්ධනගාරයේ ගිනිඅවි 49ක් මේ වනවිට පොලිස් භාරයට ගෙන ඇති බව වාර්තා වේ.
පසුගියදා සිදුවූ ගැටුම සම්බන්ධයෙන් සිදු කරන විමර්ශණවලට අදාළව රාගම පොලිසිය මඟින් තම භාරයට ගෙන ඇති ගිනි අවි අතර ටී 56 ස්වයංක්‍රීය ගිනි අවි, රිපීටර් තුවක්කු සහ පිස්තෝල පවතින බව පොලිස් අරංචි මාර්ග සඳහන් කරයි.
පසුගියදා සිදුවූ ගැටුම හේතුවෙන් මිය ගිය රැඳවියන් වෙඩි වැදීමෙන් ඇති වූ තුවාල නිසා මරණයට පත් වූ බවට ඒ පිළිබඳව පත් කළ අධිකරණ විශේෂඥ වෛද්‍යවරුන් ඇතුළු විශේෂඥ කමිටුව විසින් දෙන ලද නිගමනයට අනුව පරීක්ෂණ සිදු කිරීම සඳහා මෙම ගිනි අවි පොලිස් භාරයට ගෙන ඇත.
මෙම ගිනි අවි සම්බන්ධයෙන් රස පරීක්ෂකවරයාගෙන්ද වාර්තාවක් කැඳවා ඉදිරි අධිකරණ ක්‍රියාමාර්ග සඳහා අදාළ වර්තා ඉදිරිපත් කිරීමට නියමිත ය.
