පාර්ලිමේන්තු මන්ත්‍රී රාජිත සේනාරත්න මහතා අත්අඩංගුවට ගැනීමට ඔහු පදිංචිව සිටින සහ ඔහු නිතර ගැවසෙන ස්ථාන 5කට අපරාධ පරීක්ෂණ දෙපාර්තමේන්තුවේ නිලධාරීන් අද ගොස් තිබේ.
ඒ කිසිදු තැනක ඔහු නොසිටි අතර අපරාධ පරීක්ෂණ දෙපාර්තමේන්තුව සඳහන් කරන්නේ මේ වනවිට ඔහු අතුරුදන් බවයි.
බොහෝ විට ඔහු රෝහල්ගතව සිටිය හැකි බැවින් කොළඹ සහ ඒ අවට රෝහල් කිහිපයක්ම පරීක්ෂා කිරීමට අපරාධ පරීක්ෂණ දෙපාර්තමේන්තු නිලධාරීන් අද හවස් වනවිට තීරණය කර තිබුණි.
සුදුවෑන් මාධ්‍ය හමුව සම්බන්ධයෙන් රාජිත සේනාරත්න මහතා අත්අඩංගුවට ගැනීම සඳහා කොළඹ මහේස්ත්‍රාත් අධිකරණය වරෙන්තු නිකුත් කර තිබුණි.
එම වරෙන්තුව සම්බන්ධයෙන් කතානායකවරයා අද පෙරවරුවේ දැනුවත් කිරීමට ද අපරාධ පරීක්ෂණ දෙපාර්තමේන්තුව පියවර ගෙන තිබුණි.
