පැතුම් වික්‍රමරත්න
රුසියානු සාහිත්‍යය යනු ශ්‍රී ලංකාව හා රුසියාව යා කරන ශක්තිමත්ම පාලම වන බව මෙරට රුසියානු කේන්ද්‍රයේ අධ්‍යක්‍ෂිකා හා රුසියානු තානාපති කාර්යාලයේ ප්‍රධාන ලේකම් අනස්තාසියා කොක්ලෝවා මහත්මිය අවධාරණය කර සිටී .
ශ්‍රී ලාංකීය ජනතාව රුසියානු සාහිත්‍ය කෙරෙහි ඇති ඇල්ම , සුවිශේෂී වන බවත් කොළඹදී ඊයේ පැවතී රුසියානු සාහිත්‍ය උළෙලේදී කොක්ලොවා මහත්මිය පැවසුවාය
රුසියාව සැමවිටම ශ්‍රී ලංකාවේ සමීප මිතුරෙකු ලෙස කටයුතු කරන බවත් දෙරටෙහි ජනතාව අතර ඇති අන්‍යොන්‍ය අවබෝධය ඊට ප්‍රධාන හේතුවක් වන බවත් අනස්තාසියා මහත්මිය මෙහිදී පැවසුවාය .
රුසියානු සාහිත්‍යයේ සමාරම්භකයා ලෙස සැලකෙන ඇලෙක්සැන්ඩර් පුෂ්කින් ගේ 220 වන ජන්ම සංවත්සරය , රුසියානු සාහිත්‍යයේ පුරෝගාමියකු වන නිකොලායි ගොගොල් ගේ 210 වන ජන්ම සංවත්සරය හා රුසියානු සාහිත්‍ය නිර්මාණ වැඩිම ගණනක් සිංහලට පරිවර්තනය කල අග්‍රගන්‍ය .පරිවර්තකයකු වන දැදිගම .වී රුද්‍රිගු ගේ 90 වන ජන්ම සංවත්සරය අනුස්මරණය කරමින් මෙවර රුසියානු සාහිත්‍ය උළෙල පැවැත්වින.
මෙහිදී සමරු දේශනයන් , කලාකීර්ති අචාර්ය ආරියවංශ රණවීර , අධි නීතීඥ එස් ජී පුංචිහේවා හා රුසියානු සාහිත්‍ය කවයේ සභාපති ඩබ්ලියු ඒ අබේසිංහ යන මහත්වරුන් විසින් පවත්වන ලදී. .
මෙම අවස්ථාවට , රුසියානු කේන්ද්‍රයේ විධායක නිලධාරී බුද්ධප්‍රිය රාමනායක රුසියාව සඟරාවේ සංස්කාරක සරත් ලාල් කුමාර මහතා ඇතුළු පිරිසක් එක්විය.
