ශ්‍රී ලංකාව හා ඉතාලිය අතර සංස්කෘතික සමාජයීය සබඳතා ශක්තිමත් කිරීමට විශේෂ වැඩසටහනක් දියත් කරන බව මෙරට ඉතාලි තානාපතිනි රීටා මැනෙල්ලා මහත්මිය අවධාරණය කර සිටී.
විශේෂයෙන්ම දෙරටෙහි අහාර පාන ක්‍රම හා රටා අතර සමානතා හා සමීපතා රැසක් පවතින බවත් ඒ අනුව දෙරට අතර සබදතා ශක්තිමත් කිරීම සඳහා එයද විශේෂයෙන් යොදාගැනීමට අපේක්ෂා කරන බවත් ඇය සඳහන් කර සිටී
ඉතාලි අහාර වෙනුවෙන්ම වෙන්වූ දොල්චේ ඉතාලියා අවන්හලේ නවතම ශාඛාව විවෘත කිරීමේ අවස්ථාවට එක්වෙමින් ඉතාලි තානාපතිනිය මේ බව සඳහන් කලාය .
ශ්‍රී ලංකාව තුල ඉතාලි අහාර රටා ප්‍රචලිත කිරීම සඳහා තවදුරටත් කටයුතු කරන බවද , දැනටමත් එම අහාර සඳහා මෙරට ජනතාව අතර විශාල කැමැත්තක් පවතින බවද තානාපතිනිය පැවසුවාය .
කොළඹ 05 ස්කෙලටන් පාරේ පිහිටි මෙම ඉතාලි අවන්හල ආරම්භ කර ඇත්තේ ඉතාලියේ ප්‍රවීණ සූපවේදිනියන් වන මනුවෙලා ප්‍රග්නොලි හා ෆ්ලොරන්ස් ගම්බරෝටා විසිනි.
