විදුලි බල මණ්ඩලය වෙනුවෙන් ගොඩනැගිල්ලක් මිලදී ගැනීමට රුපියල් මිලියන 290 ක මුදලක් ලෙකෝ ආයතනයෙන් ලබාගැනීමට අමාත්‍යවරයා කටයුතු යොදා ඇති බවත් එම ගනුදෙනුව අක්‍රමිකතා රැසකින් යුක්ත වූවක් බවට තොරතුරු වාර්තාවන බවත් ශ්‍රීලනිප මහ ලේකම් දයාසිරි ජයසේකර මහතා අවධාරණය කර සිටී.
ගොඩනැගිල්ලේ වර්ග අඩි ප්‍රමාණය හා සසඳන විට මේ සඳහා ගෙවන මුදල් ප්‍රමාණයන් ඉතා විශාල වන බවත් ඒ අනුව මෙම ගනුදෙනුවද කෘෂිකර්ම අමාත්‍යංශය ගොඩනැගිල්ල සම්භන්ධ ගනුදෙනුව මෙන්ම අක්‍රමිකතා සහිත වූවක් බවත් ජයසේකර මහතා සඳහන් කර සිටී.
ඒ අනුව මෙම ගනදෙනුව පිළිබඳව වහා සොයා බැලිය යුතුව ඇති බවත් , ඒ පිලිබඳ අදාළ අංශ වෙත දැනුම් දීමට කටයුතු යොදන බවත් ජයසේකර මහතා අද පවතී මාධ්‍ය හමුවකදී සඳහන් කළේය
