ලොව වැඩිම උද්ධමනය සහිත රටවල් අතරින් දෙවැනි ස්ථානයට ශ්‍රී ලංකාව පත්ව තිබේ.
අමෙරික‍ාවේ ජෝන් හොප්කින්ස් විශ්වවිද්‍යාලයේ ආර්ථික විද්‍යාව පිළිබඳ මහාචාර්යවරයෙක් වන ස්ටීව් හැන්ක් විසින් ලොව වැඩිම උද්ධමනය සහිත රටවල් ලැයිස්තුගත කිරීම මාසිකව සිදුකරනු ලබයි.
පසුගිය මාසයේදී ඔහු විසින් මෙලෙස සකස් කරන ලද උද්ධමන ලැයිස්තුවේ ශ්‍රී ලංකාව පැවතියේ තුන්වැනි ස්ථානයටයි. එහිදී සළකා බලා තිබුණේ මේ වසරේ පෙබරවාරි මාසයේ උද්ධමනයයි.
අද නිකුත් කරන ලද නවකම වාර්තාවෙන් ගෙවුණු මාර්තුවේ මෙරට උද්ධමන අගයන් සළකා බලා තිබුණි.
මෙම වාර්තාව සඳහා ඔහු භාවිත කරනු ලබන්නේ ලෝකයේ රටවල නිල දත්තයන් ය.
ශ්‍රී ලංකාවේ 1884 සිට 1950 දක්වා පැවති මුදල් මණ්ඩලය යළිත් මෙරට ආර්ථික අර්බුදයට විසඳුම් සෙවීමට සහය වීම සඳහා වහාම අවශ්‍ය බව ඔහු මීට පෙර ද පවසා තිබුණි
