වැල්ලවත්ත මයුර ප්‍රදේශයේ දී දෙපාර්ශවයක් අතර සිදුවු ගැටුම සම්බන්ධ විමර්ශන කොළඹ අපරාධ කොට්ඨාශයට බාරදී තිබේ.
වැල්ලවත්ත කොන්ත්‍රාත් සමාගමක පිරිසක් සහ නිවාස සංකීරණයක පිරිසක් අතර ඊයේ රාත්‍රි ගැටුම හටගත් අතර සැකකරුවකු අත්අඩංගුවට ගැනිණ.
සිද්ධියෙන් තුවාල ලැබූ පොලිස් නිලධාරීන් 3නෙක් ඇතුළු පුද්ගලයන් 9ක් රෝහල්ගත කෙරිණ.
පුද්ගලයන් 150 දෙනෙකු පමණ ගැටුමට සම්බන්ධ වී ඇත.
පිරිස විසුරුවා හැරීම සඳහා කදුළු ගෑස් ප්‍රහාරද එල්ල කර තිබේ.
සිද්ධියෙන් වාහන කිහිපයකට දැඩි ලෙස හානි සිදුව ඇති බව පොලිසිය සඳහන් කළේය.
