අත්අඩංගුවේ සිටින කංජිපානි ඉම්රාන් සමග සබඳතා පැවැත්වූ චෝදනා එල්ල වී සිටින කොළඹ අපරාධ කොට්ඨාසයේ උප පොලිස් පරීකෂකවරුන් 3දෙනෙක් වහාම ක්‍රියාත්මක පරිදි ස්ථාන මාරුකර තිබේ.
පොලීසිය පැවැසුවේ ඔවුන් යාපනය, මුලතිව් හා මන්නාරම පොලිස් කොට්ඨාසවලට මාරුකර යැවූ බවයි.
කොළඹ අපරාධ කොට්ඨාසයේ හෙවත් සීසීඩීයේ නිලධාරීන් මාකඳුරේ මධූෂ් සමග මත්කුඩු ජාවාරම් කළ මෙන්ම මුස්ලිම් පාතාලයේ නායකයා බව කියන කංජිපානි ඉම්රාන් නමැත්තා සමග සබඳතා පවත්වන බවට මාගල්කන්දේ සුදත්ත හිමියෝ පැමිණිලි කර තිබුණි.
ඒ අනුව ඒ පිළිබඳ මූලික පරීක්ෂණයක් සිදු කළ අතර වැඩිදුර විමර්ශන පොලිස් මූලස්ථානය වෙත යොමුකර ඇත.
පොලිස් මූලස්ථානය කරන පරීක්ෂණයට බලපෑම් එල්ලවීම වැලැක්වීම සඳහා මෙම මාරුවීම් ලබාදුන් බව එම මූලස්ථානය පැවැසීය.
