බම්බලපිටියේ කෝටිපති ව්‍යාපාරික මොහොමඩ් ෂියාම් නමැති අය ඝාතනය කිරීම සම්බන්ධයෙන් මරණ දඩුවම නියම වී සිටින හිටපු නියෝජ්‍ය පොලිස්පති වාස් ගුණවර්ධන ඔහුගේ පුත් රවිදු ගුණවර්ධන ඇතුළු විත්තිකරුවන් 6 දෙනකු තමන්ව නිදහස් කරන ලෙස ඉල්ලා ගොනු කර ඇති අභියාචනා පෙත්සම් මාර්තු 12 වැනිදා සළකා බැලීමට ශ්‍රේෂ්ඨාධිකරණයේ පංච පුද්ගල විනිසුරු මඩුල්ලක් අද තීරණය කළේ ය.
අදාළ අභියාචනා පෙත්සම් සිසිර ද ආබෲ පි‍්‍රයන්ත ජයවර්ධන, ප‍්‍රසන්න ජයවර්ධන, විජිත් මලල්ගොඩ සහ ප‍්‍රීති පද්මන් සූරසේන යන පංච පුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ කැදවනු ලැබී ය.
තමන්ට කොළඹ මහාධිකරණය මගින් පැනවූ මරණ දඩුවම නීතියට පටහැන බැවින් අදාළ චෝදනාවලින් නිදොස් කොට නිදහස් කරන ලෙස ඉල්ලා වාස් ගුණවර්ධන ඇතුළු විත්තිකරුවන් 6 දෙනා මෙම අභියාචනා පෙත්සම් ඉදිරිපත් කර තිබුණි.
ඉෂාර රත්නකාර
