අකුරැස්ස තිබ්බටුවාව හන්දිය ප්‍රදේශයේ දී නතර කිරීමේ සංඥා නොතකා, අංක තහඩු ද නොමැතිව යතුරුපැදියකින් ගමන් ගත් තිදෙනෙකුගෙන් අයකු කළ වෙඩි තැබීමකින් පොලිස් නිලධාරීන් දෙදෙනෙකු තුවාල ලබා රෝහල්ගත කර තිබේ.
අද අලුයම 1ට පමණ පොලිස් යතුරු පැදි සංචාරයේ යෙදී සිටි පොලිස් නිලධාරීන් දෙදෙනෙකුට මෙසේ වෙඩි වැදී ඇත.
අංක තහඩු නොමැතිව තිදෙනෙකු ගමන් ගත් යතුරු පැදියට නවතන ලෙස පොලිස් නිලධාරීන් සංඥා කර තිබේ.
එහෙත් නොනැවතුණු යතුරුපැදිය පලාගොස් ඇත.
පොලිස් නිලධාරීන් දෙදෙනා ද ඒ පසුපස හඹාගොස් තිබේ.
එහිදී යතුරුපැදියේ ගමන් ගත් මැද සිටි පුද්ගලයා පොලීසියට වෙඩිතබා ඇත.
සිද්ධියෙන් පොලිස් යතුරුපැදියට හානි සිදුව ඇති අතර නිලධාරීන් දෙදෙනා අකුරැස්ස රෝහලට ඇතුළත් කරබ්පසුව මාතර රෝහලට මාරුකර යවා තිබේ.
සැකකරුවන් සොයා විමර්ශන ක්‍රියාත්මකයි.
