දේශපාලන පක්ෂවලින් දොලොස් දෙනෙක්ද ස්වාධිනව දෙදෙනෙක්ද වශයෙන් ඉදිරි ජනාධිපතිවරණය සදහා අපේක්ෂකයින් 14 දෙනෙක් ඉදිරිපත් වන බව අද (06) වන විට ජතිත මැතිවරණ කොමිසමට අදාල දේශපාලන පක්ෂවලින් දැනුම් දී තිබේ.
ස්වාධිනව ඉදිරිපත්වන පාර්ලිමේන්තු මන්ත්‍රීවරු දෙදෙනා ඒ බව කොමිසමට දැනුම් දුන් බව මැතිවරණ කොමිසමේ සභාපති මහින්ද දේශප්‍රිය මහතා පැවැසුවේය.
ඇප මුදල් තැන්පත් කර අවසානයේදීත් ඇතැම් අපේක්ෂකයින් සිය අපේකෂත්වයෙන් ඉවත්වන බැවින් මේ සියළු දෙනාම ජනාධිපතිවරණයට ඉදිරිපත් වේවි යැයි කියන්නට බැරි බවද ඔහු සදහන් කළේය. එහෙත් 14 දෙනෙක් ජනාධිපතිධුරය අපේකෂාවෙන් මැතිවරණයට තරගකරන බව දැනුම් දී ඇති බව ඔහු පැවැසීය.
ඉදිරි ජනාධිපතිවරණය වෙනුවෙන් දේශපාලන පක්ෂ සහ ස්වාධින අපේකෂකයන් වෙනුවෙන් සංවිධානය කරන රැස්වීම් ඇතුළු පූර්ව සැළසුම් සකස් කිරීම සදහා දේශපාලන පක්ෂවලින් කළ ඉල්ලීමකට අනුව එම පක්ෂ විසින් මෙම දැනුම් දීම කොමිසමට කර තිබෙන බව මහින්ද දේශප්‍රිය මහතා වැඩිදුරටත් පැවැසුවේය.
