නවතම පුවත්

චීනයට පැනවූ බදු නිසා අමෙරිකානු නිෂ්පාදකයින් ලංකාවට හැරෙයි

අසංක

අසංක

ඇමෙරිකාව විසින් චීන ආනයනයන් සඳහා පනවා ඇති නවතම බදු හේතුවෙන්, චීනය කේන්ද්‍රකරගත් ඇමෙරිකානු නිෂ්පාදකයින් , ශ්‍රී ලංකාව ඇතුළු දකුණු ආසියානු රටවල් වෙත යොමුවීමේ ප්‍රවනතාවයක් මේ වනවිට මතුව ඇත.

චීනයෙන් ඇමෙරිකාවට කරන ඇ.ඩො.බිලියන 300ක් වටිනා ආනයනය වෙනුවෙන් අමතර 15 %ක බදු පැනවීමට ඇමෙරිකානු ජනපති ඩොනල්ඩ් ට්‍රම්ප් සැලසුම් කර ඇති අතර මෙම බදු හේතුවෙන් චීනයේ නිෂ්පාදන කටයුතු දියත්කර ඇති ඇමෙරිකානු නිෂ්පාදකයින් රැසකට මෙලෙස චීනය අත්හැර යාමට සිදුව ඇත.

චීනයේ ක්‍රියාත්මක ප්‍රධාන පෙලේ ඇමෙරිකානු ඇඟලුම් නිෂ්පාදන ආයතනයක් වන පැක්සන් ආයතනයේ කළමනාකාර රිචඩ් රොබට් මහතා මේ පිළිබඳව ජාත්‍යන්තර මාධ්‍ය හමුවේ අදහස් දක්වමින් සඳහන් කර සිටියේ , මෙම නව බදු ක්‍රියාත්මක වනවිට , චීනයෙන් ඇමෙරිකාවට නිෂ්පාදන ආනයනය කිරීම ඉතා අපහසු ක්‍රියාවලියක් වනු ඇති බවයි .

ඒ අනුව තම ආයතනයද චීනයේ සිදුකරන නිෂ්පාදනයන්ගෙන් සියයට 30ක් පමණ මෙම වසර ඇතුලත ශ්‍රී ලංකාව , පකිස්තානය හා බංගලාදේශය තුල නිෂ්පාදනය කිරීමට සැලසුම් කර ඇති බවද රොබට් මහතා ප්‍රකාශ කර සිටී.

චීනය අත්හැර මෙලෙස වෙනත් ආසියානු රටවලට යොමුවීම හරහාද ගැටළු රැසක් මතුවිය හැකි නමුත් , බදු අර්බුදයේ ඇති බරපතල තත්වය හේතුවෙන් තම ආයතනයට මෙසේ චීනය අත්හැරීමට සිදුවන බවද රොබට් මහතා සඳහන් කර සිටී

මේ අතර මේ පිළිබඳව අදහස් දක්වන , ඇමෙරිකාවේ ප්‍රමුඛතම දුරකථන උපාංග නිෂ්පාදකයෙකු වන බෙන් බටෝල්ෆ් සඳහන් කර සිටින්නේ මෙවැන්නකි,

“චීනය තුල අප අවුරුදු තිහක් පමණ කාලයක් කටයුතු කළා . ඒ හරහා විශාල සැපයුම් ජාලයක් ගොඩනගාගත්ත . ඒ සියල්ල අත්හැර වෙනත් රටකට යොමුවීම පහසු නැහැ, විශේෂයෙන්ම චීනය තුල වෙනත් රටවල්වල නැති යටි තල පහසුකම් රැසක් තිබෙනවා . නමුත් නව ඇමෙරිකානු බදු ක්‍රමය යටතේ අපට චීන නිෂ්පාදන ආනයනය අවම කරන්න වෙනවා. එම නිසා චීනය අත්හැරයාමට අපට සිදුවනව. ඒ අනුව ආසියානු හා දකුණු අආසියානු රටවල් වෙත යොමුවීමට අප කටයුතු කරනවා “

කෙසේ වෙතත් මෙලෙස දකුණු ආසියානු රටවල තම නිෂ්පාදන ව්‍යාපාරයන් ආරම්භ කිරීම අවදානම් සහගත ක්‍රියාවලියක් වන බවද ඔහු සඳහන් කර සිටී .

දකුණු ආසියානු රටවල මෙවැනි නිෂ්පාදන ආරම්භ කිරීම අවදානම් සහගතයි, එසේම එහිදී විශාල නිෂ්පාදන පිරිවැයක් දැරීමට අපට සිදුවනවා , එම ගැටළු බරපතලයි නමුත් ඒ සියල්ල දරා ගනිමින් අපට එම රටවල් වෙත යොමුවීමට සිදුව තිබෙනවා . යලි චීනයට එනවාද නැද්ද යන්න ගැන අප තවම තීරණයක් ගෙන නැහැ ” යයිද ඔහු සඳහා කර සිටී

image-35
ජාතික මුරුංගා දිනය, අප්‍රේල් 18 වැනිදා !
3-ind
ලංකාවේ පොදු ප්‍රවාහනය , ආබාධ සහිත පුද්ගලයින්ට අකැපද ?
1551784764_6990563_hirunews_gov
රජයේ සේවකයින්ට සුබ අලුත් අවුරුද්දක් !
image-33
ජපන් තැපෑලෙන් , මෙරට දරු දැරියන්ට ශිෂ්‍යත්ව !
image-32
McDonald's අවන්හල් ජාලය ශ්‍රී ලංකාවෙන් ඉවත්වන්නේ ඇයි ?
Dr
නවෝත්පාදන හරහා ජනතාව නව ලොවටගැළපෙන නව චින්තනයකින් සපිරි පුද්ගලයන්බවට පත් කිරීම IIHS දැක්මයි.
milk-powder-500x500
කිරිපිටි මිල පහළට
image-30
එමානුවෙල්ගේ මුෂ්ටි ප්‍රහාරය !
image-29
ෆින්ලන්තය සතුටෙන් , ශ්‍රී ලංකාව නොසතුටෙන් !
Maithripala-Sirisena
පාස්කු ප්‍රහාරයට වගකිවයුත්තන් ගැන මම දන්නවා - මෛත්‍රී