වෙල්ලමුල්ලිවයිකාල් ප්‍රදේශයේ පවතින මිග්යානාවලින් හෙළන බෝම්බය අධිකරණ නියෝගයක් ලබාගෙන ඉදිරියේ දී නිෂ්ක්‍රීය කිරීමට සැලසුම් කර තිබේ.
ගැටුම් සමයේ සිට පවතින මෙම බෝම්බය පුපුරුවා හැරෙන අතර ඊට අවශ්‍ය උසාවි නියෝගය ලබාගැනීමේ නීතිමය කටයුතු දැන් සිදුකෙරේ.
මේ අතර මුල්ලිවයිකාල් ප්‍රදේශයේ ඊයේ රාත්‍රියේ පිපිරුම් හඬක් ඇසී තිබේ.
ඊට හේතුවී ඇත්තේ ගොවි කටයුතු සඳහා කැලෑ ගිනිතැබීමේදී එහි පොළොවෙහි ගැටුම් සමයේදී වළලා තිබූ බිම් හෝ අත්බෝම්බයක් පුපුරා යාමයි.
මෙම පිපිරුමෙන් කිසිවකුට හානි සිදුවී නැත.
ගැටුම් පැවැති සමයේදී මෙම ප්‍රදේශ ආශ්‍රිතව අත්බෝම්බ, බිම් බෝම්බ ආදිය තිබී ඇති බැවින් මෙවැනි සිදුවීම් එම ප්‍රදේශවල තවමත් දුලභ නොවන බව ද වාර්තා වේ.
