විදෙස්

Share now!

අමෙරිකාවේ ආරක්ෂක මූලස්ථානය වන පෙන්ටගනයට ත්‍රස්ත ප්‍රහාර එල්ල වූ 9/11 ප්‍රහරයට අදට 18 වසරක් සපිරීම හේතුකොටගෙන ඇෆ්ගනිස්තානයේ කාබුල් නුවර පිහිටි අමෙරිකානු තානාපති කාර්‍යාලය සමීපයේ රොකට් පිපිරුමක් සිදුව තිබේ.

අද අලුයම සිදුවූ පිපිරුමෙන් කිසිදු ජීවිත හනියක් සිදුවී නොමැති බව ඒ අසල රාජකාරියේ නිරත නේටෝ හමුදා තහවුරු කර ඇත.

මධ්‍යම රාත්‍රියෙන් ටික වේලාවකට පසු මධ්‍යම කාබුල් නගරය පුරා දුමාරයක් පැතිර ගිය අතර සයිරන් හඬ නාද වී ටික වේලාවකින් රොකට් පිපිරුමක් සිදුවූ බවට තානාපති කාර්‍යාලයේ සේවකයන්ට දැනුම් දී තිබුණි.

අමෙරිකානු ජනාධිපති ඩොනල්ඩ් ට්‍රම්ප් හා ඇෆ්ගන් තලෙයිබාන් ත්‍රස්ත නායකයන් අතර පසුගියදා සාම සාකච්ඡාවක් පැවැත්වීමට තිබියදී අවසාන මොහොතේ එය අවලංගු කර තිබුණේ ට්‍රම්ප් විසිනි.

මෙහිදී කෝපයට පත් තලෙයිබාන් නායකයන් ප්‍රකාශ කර තිබුණේ "මේ ගැටුම විසඳගන්න ක්‍රම දෙකයි තියෙන්නේ. එකක් ජය ලබන තුරු යුද්ධ කිරීමෙන්. අනික සාකච්ඡා මගින්. ඔහු දෙවැනි එක අත් හැරියා නම් අප පළමු ක්‍රමය තෝරාගන්නවා" යනුවෙනි

Leave a Reply

Your email address will not be published. Required fields are marked *

Post comment