ඇවන්ගාඩ් නඩුවට අදාළව අවශ්‍ය වී සිටි ඇවන්ගාඩ් හී සමුද්‍ර ආරක්ෂක අංශ ප්‍රධානී ලෙස ක්‍රියා කර ඇති බව කියන සැකකරු අද උදෑසන අත්අඩංගුවට පත්ව ඇතැයි වාර්තා වේ.
බලපත්‍ර නොමැති ගිනි අවි 816 ක් සහ ලක්ෂ 2 කට අධික පතොරම් ද සමඟ මොහු අත්අඩංගුවට ගෙන ඇත.
සැකකරු අද අළුයම පමණ සිංගප්පූරුවේ සිට මෙරටට පැමිණෙමින් සිටිය දී කටුනායක ගුවන්තොටුපල අපරාධ පරීක්ෂණ දෙපාර්තමේන්තු ඒකකය මඟින් අත්අඩංගුවට ගෙන එහි මුලස්ථානය වෙත බාර දී ඇත.
මෙම සැකකරු සිංගපූරුවට ගොස් සිට ඇත්තේ ඔහුට එරෙහිව ගාල්ල මහේස්ත්‍රාත් අධිකරණය විසින් ගුවන් ගමන් තහනමක් ද නිකුත් කර තිබියදීය.
මෙම සිද්ධියට අදාළ නඩුව අද දින ත්‍රිපුද්ගල මහාධිකරණය ඉදිරියේ කැඳවීමට නියමිතව ඇත.
මෙම සැකකරු ද සමඟ මේ වන විට නඩුවට අදාළව සැකකරුවන් 8 ක් අත්අඩංගුවට ගෙන ඇත.
සැකකරු කොළඹ ප්‍රධාන මහේස්ත්‍රාත් අධිකරණයට ඉදිරිපත් කිරීමට නියමිතයි.
