වැටුප් විෂමතාවය විසඳීමට අදාළව මෙතෙක් විධිමත් සාකච්ඡාවක් ලබාදී නොමැති නිසා ගැටලුව සම්පූර්ණයෙන්ම විසඳා අවසන් වන තෙක් දුම්රිය වැඩ වර්ජනය අඛණ්ඩව සිදුකරන බව වැඩ වර්ජනයේ නිරත දුම්රිය වෘත්තිය සමිති සඳහන් කරති.
වැඩ වර්ජනයක් සිදුවුවත් උදේ කාලයේදී දුම්රිය හයක් සහ සවස් කාලයේදී දුම්රිය හයක් ධාවනය කරන බවද එම වෘත්තිය සමිති නියෝජිතයෝ පෙන්වා දෙති.
දුම්රිය රියැදුරන්, නියාමකයින්, ස්ථානාධිපතිවරුන්, පාලකවරුන්, අධීක්ෂණ නිලධාරීන් සේවයෙන් ඉවත්ව සිටීමේ වෘත්තිය ක්‍රියාමාර්ගයක් දියත් වුවත් බලධාරීන් ඒ පිළිබඳව කිසිදු අවධානයක් යොමුකර නොමැති බව වෘත්තිය සමිති සඳහන් කරයි.
