මාකඳුරේ මධූෂ් විසින් මීට කලකට පෙර මෙරට තුළදී කොල්ලකෑ රුපියල් කෝටි 700කට අධික වටිනාකමකින් යුත් දියමන්තිය පිළිබඳව ද මධූෂ්ගෙන් ඩුබායි පොලීසිය ප‍්‍රශ්න කරෙන බව වාර්තා වේ.
මෙම මංකොල්ලය සිදුවී තිබුණේ පසුගිය නොවැම්බර් 05 වැනිදා යි. එ් මහරගම ප‍්‍රදේශයේ ව්‍යාපාරිකයෙකු සතුව තිබියදීය.
සෞදි අරාබියේ කේටරින් ආයතනයක රැුකියාවක් කරමින් සිටි මෙම ලාංකිකයා මෙරටට පැමිණ තිබුණේ රුපියල් කෝටි 700කට අධික වටිනාකමකින් යුත් දියමන්තියක් සමඟයි.
ඔහු එකල පවසා තිබුණේ එය ඔහු සේවය කළ සෞදි කේටරින් ආයතනයේ භූමියේ වැලි ගොඩක තිබියදී අහුලාගත් එකක් බවය.
ලංකාවට පැමිණි පසු මෙම ලාංකිකයා මහරගම ප‍්‍රදේශයේ පදිංචිව ව්‍යාපාරයක් ද පවත්වාගෙන ගොස් තිබේ.
පසුව මොහුට මෙම දියමන්තිය අලෙවි කොට මුදල් ලබාගැනීමට අවශ්‍ය විය.
ඕස්ටි‍්‍රයා ජාතිකයෙක්, ලාංකික සංචාරක මඟපෙන්වන්නකු සමඟ මෙම ව්‍යාපාරිකයාගෙන් දියමන්තිය මිලදී ගැනීමට පැමිණෙන්නේ මේ අතරතුරදීය.
විදේශිකයා, සංචාරක මඟපෙන්වන්නා ව්‍යාපාරිකයා සමඟ දියමන්ති ගනුදෙනුව පිළිබඳ සාකච්ඡුා කරමින් සිටියදී පොලීසියෙන් කියා පැමිණි සන්නද්ධ කණ්ඩායමක් එම නිවසට කඩාවැදිණ.
ඔස්ටි‍්‍රයානු ජාතික විදේශිකයා මත්කුඩු ජාවාරම්කරුවෙකු බව කියමින් සන්නද්ධ කණ්ඩායම කර ඇත්තේ නිවැසියන් කාමරයක් තුළට දමා ෙදාාර වසා විදේශිකයා සමඟ මැණික ද රැගෙන යාමයි.
මේ පිළිබඳ විමර්ශනය කළ මිරිහාන විශේෂ අපරාධ විමර්ශන එ්කකය විසින් අනාවරණය කරගත්තේ මෙය මධූෂ්ගේ සැලසුමක් අනුව දියමන්තිය කොල්ලකෑම සඳහා සිදුවූ නාටකයක් බවය.
විදේශිකයා ඩුබායි සිට පැමිණ තබුණේ මධූෂ්ගේ ගෝලයකු සමඟයි.
මැණික කොල්ලකෑ පසුව විදේශිකයා ඩුබායි බලා පිටත්ව ගොස් තිබුණේ කොල්ලකෑම සිදුවී පසුදිනම ය.
සංචාරක මඟපෙන්වන්නා ලෙස පෙනී සිටි මධූෂ්ගේ ගෝලයා, තවත් ගෝලයකු සමඟ අත්අඩංගුවට ගැනිණි.
මධූෂ් සම්බන්ධව ඩුබායි පොලීසියට ඔත්තුව දුන් පුද්ගලයා මෙම දියමන්ති කොල්ලකෑම පිළිබඳව ද පවසා තිබුණි.
මේ දියමන්තිය පිළිබඳවද මධූෂ්ගෙන් මේ වනවිට ප‍්‍රශ්න කරන බව වාර්තා වේ. ඩුබායිහි පිහිටි අවීර් පොලීසිය විසින් විමර්ශන පවත්වනු ලබයි.
ගයාන් කුමාර වීරසිංහ
