සම්බා සහ නාඩු සහල් සඳහා උපරිම සිල්ලර මිලකට අද සිට නිකුත් කිරීමට මහා පරිමාණ සහල් මෝල් හිමියන් එකඟ වී තිබේ.
ඒ අනුව සම්බා සහල් කිලෝග්‍රෑමයක් රුපියල් 99 කටත්, නාඩු සහල් කිලෝග්‍රෑමයක් රුපියල් 98 කටත් ලෙස උපරිම සිල්ලර මිල සීමාවක් පනවා ඇත.
ජනාධිපති ලේකම්වරයාගේ ප්‍රධානත්වයෙන් අද කොළඹ පැවති සාකච්ඡාවකදී මෙම එකඟතාවට පැමිණ ඇත.
මෙම තීරණයත් සමග දැනට ඉහළ මිලකට අලෙවි වන සහල් මිල යළි පහළ යනු ඇති බව පැවසේ.
මෙම උත්සවය සමයේ දී සහන මිලට සහල් ලබා දීමට මහා පරිමාණ සහල් මෝල් හිමියන් ගත් තීරණයට අනුව පාරිභෝගික ජනතාවට එම මිලට හිගයකින් තොරව සහල් මිල දී ගැනීමට හැකි වනු ඇත. ඒ අනුව හෙට සිට සහල් මෝල් හිමියන්ගේ බෙදා හැරීම් ජාලය ඔස්සේ සහන මිලට මිල දී ගත හැකි වන පරිදි සහල් බෙදා හැරීමට නියමිත බව මුදල් අමාත්‍යාංශය කියයි.
