ලොව ප්‍රථම වතාවට ජීවත් විය හැකි ආකාරයට සම්පූර්ණ ත්‍රිමාණ තාක්ෂණ නිවාස ක්‍රමවේදය ඔස්සේ නිවාස 2ක් මෙක්සිකෝවේ ඉදිකර තිබේ.
ඒ දරිද්‍රතාවයෙන් පෙළෙමින් සිටි පවුල් දෙකක් පදිංචි කරවමිනි.
මේ අනුව ලෝකයේ පළමු ත්‍රිමාණ නිවාස අසල්වැසියන් වෙසෙන්නේ මෙක්සිකෝවේ ය.
ත්‍රිමාණ තාක්ෂණය අද වනවිට භාණ්ඩ නිෂ්පාදනය දක්වා වැඩිදියුණු වී තිබුණ ද නිවසක් තැනීම තරම් සංකීර්ණ හා වඩාත් කල්පවත්නා නිෂ්පාදනයක් බිහිකිරීමට භාවිත වී නැත.
එහෙත් මෙම නිවාස මූලාකෘතියක් ලෙස ඉදිකළ එකක් පමණක් නොවේ.
2020 අවසන් වන විට නව නිවාස 50 ක් ඉදිකිරීමට මෙක්සිකෝවේ සංවර්ධකයින් බලාපොරොත්තු වේ.
නිවැසියන් විසින් ලී, ලෝහ සහ ඔවුන්ට දැරිය හැකි ඕනෑම ද්‍රව්‍යයකින් තැනූ උළුවහු, ජනෙල් ආදිය භාවිත කරයි.
මෙක්සිකෝවේ ටබස්කෝ ප‍්‍රාන්තයේ ගංවතුරට ගොදුරු විය හැකි භූ කම්පන කලාපයක මෙම පවුල් ජීවත් වෙති.
භූමිකම්පාවකට ඔරොත්තු දෙන සහ අධික වර්ෂාව අතරතුර ඒවා වියළී යන යමක් තැනීම සැලසුමට එළඹීමේදී ප්‍රධාන වශයෙන් සලකා බලා තිබේ.
ICON නමැති ඉදිකිරීම් සමාගම විසින් වැඩිදියුණු කරන ලද රොබෝ තාක්ෂණය මේ සඳහා යොදාගනුලබන අතර ÉCHALE නමැති දිළිඳු පවුල් සඳහා නිවාස තනාදීමට මෙක්සිකෝවේ පිහිටුවා ඇති ලාබනොලබන සංවිධානය විසින් මෙම ව්‍යාපෘතිය සිදුකරයි.
“ඔවුන් දිනකට සාමාන්‍යයෙන් ඩොලර් 3 ක් පමණ ආදයමක් ලබන අයයි. එවැනි ලාභ නොලබන ප්‍රජාව වෙනුවෙන් මෙම ක්‍රමය භාවිත කරන්න අපි සූදානම්” ගොඩනැඟිලි ව්‍යාපෘති භාර ප්‍රධාන විධායක සහ සම-නිර්මාතෘ බ්‍රෙට් හැග්ලර් පැවසීය.
” ඔවුන්ගේ පැල්පත ගංවතුරට ගොදුරු වනවා. සමහර වැසි වැටෙන විට දණහිස දක්වා ගංවතුර ඉහළට යන බව සමහර කාන්තාවන් පැවසුවා. ” හැග්ලර් පැවසීය.
“මේ පවුල් ජීවත් වන්නේ තාවකාලික නිවාසවලයි. ඒවායින් බොහොමයක් තමන් විසින්ම ගොඩනගා ගෙන තිබෙනවා. පවුල් ජීවත් වන්නේ තාවකාලික නිවාසවලයි. ඒවායින් බොහොමයක් තමන් විසින්ම ගොඩනගාගත් ඒවා. මෙය ලාභ නොලබන පවුල් සඳහා නිවාස තනාදීමේ ව්‍යාපෘතියක්. එය 2014 දී ආරම්භ කරන ලද දා සිට දකුණු ඇමරිකාවේ සහ මෙක්සිකෝවේ නිවාස 2700 කට වැඩි ප්‍රමාණයක් ඉදිකර තිබෙනවා. ත්‍රිමාණ මුද්‍රණයෙන් එය සිදු කරන ලද පළමු නිවාස ඉදිකිරීමේ ව්‍යාපෘතිය මෙයයි.” හැග්ලර් පෙන්වා දෙයි.
මෙම ව්‍යාපෘතිය සඳහා භාවිතා කරන ත්‍රිමාණ මුද්‍රණ රොබෝ තාක්ෂණය දියුණු කළ ඉදිකිරීම් තාක්ෂණ සමාගමක් වන ICON සමඟ ලාභ අරමුණු කර නොගනිමින් සිදුකරයි.
අඩි 33 ක මුද්‍රණ යන්ත්‍රය කොන්ක්‍රීට් මිශ්‍රණයක් යොදා බිත්ති එකවර නිමා කිරීමට එක තට්ටුවක් සාදයි.
එකවර නිවාස දෙකක් තැනීමට දින 24 ක් පුරා පැය 24 ක් ගතවේ.
සාම්ප්‍රදායික කොන්ක්‍රීට්වලට වඩා මෙම කොන්ක්‍රීට් මිශ්‍රණය ශක්තිමත් බව නිව් ස්ටෝරි ව්‍යාපෘතිය පවසයි.
භූ කම්පනවලට ඔරොත්තු දීම සඳහා අත්තිවාරම ශක්තිමත් කර ඇත.
පැතලි වහල සහිත නිවාස නිරිතදිග සැලසුමක් සිහිගන්වන අතර වක්‍ර බිත්ති ඇත.
වර්ග අඩි 500 ක නිවාසවල නිදන කාමර දෙකක්, එක් නාන කාමරයක්, විසිත්ත කාමරයක් සහ මුළුතැන්ගෙයක් සහිතය.
මිනිසුන් තවමත් නව නිවෙස්වලට ගොස් නැත, නිව් ස්ටෝරි පවසන්නේ ඉදිකිරීම් කලාපයක ජීවත් වීම ඔවුන්ට භයානක වනු ඇති බවයි.
