පොලිස් විශේෂ කාර්‍ය බළකායේ ප්‍රධානියා ලෙස නියෝජ්‍ය පොලිස්පති රංජිත් පෙරේරා මහතා කටයුතු කළ සමයේදී ස්ථාපනය කළ අන්තවාදී මුස්ලිම් සංවිධාන සම්බන්ධයෙන් විමර්ශන පැවැත්වීමට ස්ථාපිත කළ විශේෂ ඒකකය පසු කාලයේ කිසිදු හේතුවක් නොමැතිව විසුරුවා හැර තිබේ.
විශේෂ බළකා නිලධාරීන් පිරිසක් ‘ද කලම්බෝ එක්ස්ප්‍රස්’ වෙත මේ බව පැවැසීය.
බස්නාහිර උතුර දිසාව භාර නියෝජ්‍ය පොලිස්පතිවරයා යටතේ මේ වනවිට සේවය කරන වරුණ ජයසුන්දර මහතා විශේෂ කාර්‍ය බළකායේ බුද්ධි අංශ ප්‍රධානියාව සිටි එම ඒකකයට ඔහුගේ මෙහෙයවීමෙන් ක්‍රියාත්මක වී තිබේ.
නැගෙනහිර පළාතේ කඳවුරුවල සේවය කරන තෝරාගත් නිලධාරීන් 35 දෙනෙකු එම ඒකකයට අනුයුක්ත කර තිබී ඇත.
ඔවුන්ට අන්තවාදී සංවිධාන සම්බන්ධයෙන් පුහුණුවක් ද ලබාදී ඇත.
මුස්ලිම් ජනතාව බහුලව වෙසෙන ප්‍රදේශවල බුද්ධි අංශ නිලධාරීන් යොදවා තිබී ඇත.
සෑම ඉරිදාම ඔවුන් වාර්තාවක් සකසා බාරදිය යුතුව තිබූ අතර සහරාන් කල්ලිය පිළිබඳව ද එකල ඒ අයුරින් ක්‍රියාත්මක වූ විශේෂ එකකය හිටිහැටියේම පසුගිය කාලයේ විසුරුවා ඇත.
