ක්‍රීඩා

Share now!

19 පහළ ලෝක කුසලාන තරගාවලියේදී ශ්‍රී ලංකාව හා ඉන්දියාව අතර පැවැති තරගයේදී ශ්‍රී ලංකාවේ වේග පන්දු යවන ක්‍රීඩක මතීෂ පතිරණ යොමුකළ පන්දුවක් මේ වන විට ක්‍රිකට් ලෝකයේ වැඩි අවධානයක් දිනාගෙන තිබේ.

එම තරගයේ  පන්දුවාර 3. 5 පන්දුව මතීෂ යොමුකළ අතර එහි වේගය ලෙස වේග මාපකයේ සටහන්ව තිබුණේ පැයට කිලෝමීටර් 175ක වේගයෙන් යොමුකළ පන්දුවක් ලෙසිනි.

ඒ අනුව මෙම වේගය සත්‍යයක් නම්  ක්‍රිකට් ක්‍රීඩාවේ ඕනෑම ආකාරයක තරගාවලි රටාවක් තුළ ලෝකයේ වේගවත්ම පන්දුව යොමුකළ ක්‍රීඩකයා බවට මතීෂ පතිරණ ඉතිහාසයට එක්වෙනු ඇත.

ක්‍රිකට් ලෝකයේ මේ දක්වා වේගවත්ම පන්දුව යොමුකළ ක්‍රීඩකයා ලෙසින් පිළිගැන්නේ පාකිස්තානයේ සොයිබ් අක්තාර්ය. ඔහු පන්දුව යොමුකළ වේගය ලෙස සටහන්ව ඇත්තේ පැයට කිලොමීටර් 161.3ක වේගයකි.

කෙසේ වෙතත් මතීෂගේ පන්දුව යැවු වේගය ප්‍රතික්ෂේප කිරීමක් හෝ එය වේග මාපකයේ සිදුවූ වැරැද්දක් නිසා සටහන් වූවක්ද යන්න පිළිබඳව ජාත්‍යන්තර ක්‍රිකට් කවුන්සිලය නිල වශයෙන් ප්‍රකාශයක් කර නොමැත.

ඉන්දියාව හා පැවැති තරගයෙන් ශ්‍රී ලංකා කණ්ඩයම ලකුණු 90ක පරාජයක් ලැබීය.

මෙම තරගය ජනවාරි 19 දා පැවැති අතර එහිදී මුලින්ම පන්දුවට පහරදුන් ඉන්දියාව ලකුණු 297ක් රැස්කළ අතර එයට පිළිතුරු ලෙස ශ්‍රී ලංකාවට රැස්කළ හැකිවූයේ ලකුණු 207ක් පමණි

Leave a Reply

Your email address will not be published. Required fields are marked *

Post comment