වනාතවිල්ලුවේ පිහිටා තිබුණු සහරාන්ගේ පුහුණු කදවුර ගැන කරුණු හෙළිකර ගනිමින් එම පුහුණු කදවුර වැටලීමට පියවර ගත් අපරාධ පරීක්ෂණ දෙපාර්තමේන්තුවේ සේවයේ නිරතව සිටින විශේෂ ඒකකයක ස්ථානාධිපතිධුරයක් දරණ නිලධාරියෙකුට ජීවිත තර්ජනයක් එල්ලවී තිබේ.
එම තර්ජනයත් සමග එම නිලධාරියා පදිංචිව සිටින නිල නිවස වටා ආරක්ෂක වැටක් පවා ඉදි කිරීමට පොලිස් බලධාරීන් පියවරගෙන ඇත.
වනාතවිල්ලුවේ පුහුණු කදවුර මෙම නිලධාරියා විසින් අනාවරණයකරගෙන ඇත්තේ මාවනැල්ලේ බුදු පිළිම හානි කිරීම් සම්බන්ධයෙන් වූ විමර්ශන ඔස්සේය. එම විමර්ශන වලට අපරාධ පරීක්ෂණ දෙපාර්තමේන්තුවේ ඉහළ නිලධාරීන්ගේ සහයක් එකල ලැබී නැති අතර එසේ ලැබුණි නම් පාස්කු ඉරිදා ප්‍රහාරය වලක්වා ගැනීමට හැකියාව තිබුණු බව ඔහු ඒ සම්බන්ධයෙන් වාර්තාවක් ලබාදෙමින් බලධාරීන් දැනුවතක් කිරීමට පියවර ගෙන තිබේ.
