පාර්ලිමේන්තු මන්ත්‍රී පාලිත රංගේබණ්ඩාර මහතාගේ පුත් යශෝධ රංගේබණ්ඩාර මහතාගේ රියැදුරු බලපත්‍රය මාස 6 කට අත්හිටුවීමට අධිකරණය නියෝග කර තිබේ.
ඔහු හලාවත ප්‍රධාන මහේස්ත්‍රාත් මංජුල රත්නායක මහතා හමුවට අද ඉදිරිපත් කිරීමෙන් අනතුරුව රුපියල් 32,500 ක දඩයක් ද සැකකරුට නියම කෙරිණ.
ප්‍රධාන මහේස්ත්‍රාත්වරයා එම මුදල නොගෙවන්නේ නම් මාස 6 ක සිර දඬුවමක් ද නියම කෙරිණි.
2018 වසරේ ජුනි මස 06 වැනි දා සිදු වූ රිය අනතුරකට අදාළව චෝදනා 6 ක් ඔහුට එරෙහිව ගොනු කර ඇත.
යශෝධ රංගේ බණ්ඩාර මහතාට එරෙහිව තිබූ චෝදනා වූයේ අපරීක්ෂාකාරි රිය ධාවනය, අනතුරක් වළක්වා නොගැනීම, බීමත්ව රිය පැදවීම, පුද්ගලයෙකුට තුවාල කිරීම, අපරීක්ෂාකාරි හා අන්තරාකාරී රිය ධාවනයෙන් මනුෂ්‍ය ජීවිත හා දේපොළ හානි සිදු කිරීම සහ කඩුවක් ළඟ තබා ගැනීම යන චෝදනා ය.
