Express Gossip

Share now!

වත්මන් සමාජය තුල අප බොහොදෙනා පීඩා විඳින විවිධාකාර මානසික පීඩනයන්ට , මානසික රෝගයන්ට , වේදිකා නාට්‍යය ඉතා සුදුසු ප්‍රතිකාරයක් වන බව මහාචාර්ය ප්‍රනීත් අබේසුන්දර මහතා ප්‍රකාශ කර සිටී.

බ්‍රිතාන්‍යයේ ප්‍රමුඛ පෙලේ ප්‍රහසන නාට්‍යකරුවකු වන රේ කූනි ගේ ” two into one ” නාට්‍යය ඇසුරින් නෂ්පාදනය කෙරෙන ” යතුරු හිලෙන් බලන්න ” වේදිකා නාට්‍යයේ මුහුරත් උළෙලට එක්වෙමින් අබේසුන්දර මහතා මේ බව සඳහන් කළේය .

මේ වනවිට සමාජය තුල පවතින දැඩි තරඟකාරී බව හේතුවෙන් බොහෝ දෙනෙකු විවිධාකාර මානසික පීඩනයන්ට ගොදුරු වන බවත් , ඒ හේතුවෙන්ම ඔවුන් විවිධ මානසික රෝගයන්ටද ලක්වන බවත් මහාචාර්යවරයා මෙහිදී පැවසීය .

වේදිකා නාට්‍යය රසවිඳීම හරහා මෙම මානසික ව්‍යාධීන්ට සහනයක් ලැබෙන බවත් මහාචාර්යවරයා මෙහිදී පැවසීය .

යතුරු හිලෙන් බලන්න වේදිකා නාට්‍යය සම්මානනීය ටෙලි නාට්‍ය අධ්‍යක්ෂ තුසිත සිල්වා මහතාගේ අධ්‍යක්ෂණයක් වන අතර එහි පිටපත කුමාර සිරිවර්ධන මහතා විසින් සම්පාදිතය.

ශ්‍රියන්ත මෙන්ඩිස් , අජිත් ලොකුගේ , පබෝධා සන්දීපනී , කුසුම් රේණු ඇතුළු ප්‍රවීණ හා ජනප්‍රිය නළු නිලියන් රැසක් රංගනයෙන් දායක වන මෙම නාට්‍යය නිෂ්පාදනය කර ඇත්තේ සමන් නානායක්කාර මහතා හා කාමිණි රාජපක්ෂ මහත්මියයි .

Leave a Reply

Your email address will not be published. Required fields are marked *

Post comment