වියලි කාලගුණය හේතුවෙන් පීඩාවට පත්ව ඇති වතු සමාගම්වලට, කුඩා තේ වතු හිමියන්ට සහ වතු කම්කරුවන්ට සහන ලබාදීමට සදහා වූ කැබිනට් පත‍්‍රිකාවක් ලබන සතියේ කැබිනට් මණ්ඩලයට ඉදිරිපත් කිරීමට නියමිතව ඇත.
වතු සමාගම්වල, කුඩා තේ වතු හිමියන්ගේ සහ වතු කම්කරුවන්ගේ දුක් ගැනවිලි පිලිබඳ සලකා බලා මෙම පියවර කඩිනමින් ගැනීමට තීරණය කල බවද වැවිලි කර්මාන්ත අමාත්‍ය වෛද්‍ය රමේෂ් පතිරණ මහතා අප වෙබ් අඩවියට පැවැසීය.
වැසි නොමැති වියලි කාලගුණය සහ උෂ්ණත්වය ඉහල යාම නිසා මධ්‍යම කදුකරයේ බටහිර බෑවුම් ප‍්‍රදේශවලද තේ වගා බිම්වලින් සියයට 60ක් පමණ මේ වන විටත් වියලී ගොස් ඇති බව වතු සමාගම් පවසයි.
1991 වසරෙන් පසු තේ වගාවට ඇති වු නරකම කාලගුණික බලපෑම් මේ බවද මෙහිදී ප‍්‍රකාශ විය .
වතු සමාගම් මෙන්ම කුඩා තේවතු හිමියන් සහ වතු කම්කරුවන්ද මෙම වියලි කාලගුණයෙන් පීඩාවට පත්ව සිටින අතර ඇතැම් කුඩා තේ වතු වල අස්වනු නෙලීම මාස 02ක් පමණ තිස්සේ සිදු නොවන බවද ඒ නිසා ඇතැම් වතු කම්කරුවන්ට රැකියාද අහිමිවී ඇතැයිද වාර්තාවේ,
