මැතිවරණ කොමිසමේ සාමාජිකයෙකු වන මහාචාර්ය රත්නජීවන් හූල් මහතා ඇඳිරි නීතිය පැවති කාලයේදී යාපනයේ සිට සිය පුත්‍රයා කොළඹට රැගෙන ඒම සම්බන්ධයෙන් පොලිස් විමර්ශනයක් ආරම්භ කර තිබේ.
ඒ සම්බන්ධයෙන් මැතිවරණ කොමිසමේ අධ්‍යක්ෂ ජනරාල් සමන් රත්නායක මහතාගෙන් සහ එහි පිළිගැනීමේ නිලධාරිනියගෙන් ද ප්‍රකාශ සටහන් කරගෙන ඇත.
ඇඳිරි නීතිය සමයේදී දිස්ත්‍රික් අතර අතර ගමන් කිරීම නීති උල්ලංඝනය කිරීමකි. කොමිසමේ සාමාජිකයෙකු ලෙස හූල් මහතාට එලෙස යාමේ අවසර තිබුණ ද පුත්‍රයාට ද මෙම නීතිය අදාළ වේ.
රත්නජීවන් හූල් මහතා මෙලෙස තම පුත්‍රයාව රැගෙන විත් ඇත්තේ කොළඹදී පැවැති කොමිසමේ සාකච්ඡාවකට සහභාගී වීම සඳහා පැමිණි දිනකදී ය.
ඒ අනුව ඔවුන් පැමිණි යාපනය සහකාර මැතිවරණ කොමසාරිස් කාර්යාලයේ නිල රථයේ රියදුරු රියදුරුගෙන්ද ප්‍රකාශ සටහන් කරගෙන ඇත.
මේ පිළිබඳ විමර්ශන තොරතුරු පොලිස් නීති කොට්ඨාශය වෙත යැවීමට නියමිත අතර ඉදිරි ක්‍රියාමාර්ගයක් වෙතොත් ඒ අනුව ක්‍රියාත්මක කෙරෙනු ඇත.
