BREAKING NEWS

Share now!

 

අන්තර් පළාත් බස් රථ සේවා ක්‍රියාත්මක කිරීමේදී මගියෙකුගෙන් සාමාන්‍ය ගාස්තුව මෙන් එකහමාරක මුදලක් අය කිරීමට අවසර ලබා දෙන ලෙස පෞද්ගලික බස් රථ සංගම් කිහිපයක් විසින් ප්‍රවාහන අමාත්‍යාංශය වෙත ඉල්ලීමක් කර ඇත.

ලබන අඟහරුවාදා (26) සිට කොළඹ සහ ගම්පහ දිස්ත්‍රික්ක හැර සෙසු දිස්ත්‍රික්ක අතර අන්තර් පළාත් බස්රථ සේවා ආරම්භ කිරීමට කටයුතු යොදා ඇති බැවින් මෙම ගාස්තු අයකිරීම එදින සිට සිදුකිරීමට අවසර දෙන ලෙසද පෞද්ගලික බස් සංගම් මෙහිදී ඉල්ලා ඇත.

බස් රථයක ගමන් කල හැකි මගීන් සංඛ්‍යාවෙන් අඩකට වඩා මගීන් ගෙන යා නොහැකි නම් ගාස්තු මෙසේ ඉහල නැංවිය යුතු බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා මේ පිළිබඳව මාධ්‍ය වෙත අදහස් දක්වමින් සඳහන් කර ඇත

. ඒසේ ගාස්තු වැඩි කල පසු සෞඛ්‍ය උපදෙස් අනුව මෙම ක්‍රියාවලිය සිදු කල හැකි බවත් අතර මගදි බස් රථයට මගීන් නොගැනීමට හැකි බවත් ඔහු සඳහන් කර ඇත

ආසන ගණනට මගීන් ගෙන යන බස් රථවල ගමන් කිරීමට මගීන් අකමැත්තක් දැක්වීම, අදාළ ඉල්ලීම සිදු කිරීමට තවත් හේතුවක් බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න වැඩිදුරටත් පවසා ඇත.

කෙසේ වෙත මෙම ගාස්තු වැඩිකිරීමේ ඉල්ලීමට මෙතෙක් අමාත්‍යාංශයෙන් අනුමැතිය හිමිව නොමැත .

Leave a Reply

Your email address will not be published. Required fields are marked *

Post comment