Featured

Share now!

රජයේ හිටපු අමාත්‍යවරයකු වූ විනයාගමූර්ති මුරලිදරන් හෙවත් කරුණා අම්මාන් මහතා එල්ටීටීඊයේ හිටපු අණදෙන නිලධාරියකු ලෙස කරන ලද අතීත අපරාධ සම්බන්ධයෙන් ප්‍රශ්න කළ යුතු බව එක්සත් ජාතීන්ගේ මානව හිමිකම් කවුන්සිලය අවධාරණය කරයි.

ජාත්‍යන්තර නීති උල්ලංඝනය කරමින් එල්ටීටීඊය විසින් ළමා සොල්දාදුවන් තොග වශයෙන් බඳවා ගැනීම සම්බන්ධයෙන් ද ඔහු පිළිබඳ විමර්ශනය කළ යුතු බව එම කවුන්සිලය පෙන්වා දෙයි.

වගවීම ශ්‍රී ලංකාවේ සෑම කෙනෙකුටම අදාළ විය යුතු බැවින් මේ සම්බන්ධයෙන් විමර්ශනයක් සිදුවිය යුතු බව එම කවුන්සිලය කියාසිටී.

තමා එල්ටීටීඊයේ සාමාජිකයුව සිටි සමයේදී අලිමංකඩ දී හමුදා සෙබළු 2000ක් 3000ක් පමණ ඝාතනය කළ බව පසුගිය දා දිගාමඬුල්ලේ දේශපාලන වේදිකාවක ඔහු පවසා තිබුණි.

මෙම ආන්දෝලනාත්මක ප්‍රකාශය සම්බන්ධයෙන් අපරාධ පරීක්ෂණ දෙපාර්තමේන්තුව විසින් විමර්ශනයක් ආරම්භ කර ඇති අතර ඊට ප්‍රකාශයක් දෙමින් කරුණා අම්මාන් පවසා ඇත්තේ ‘මම’ නොව ‘අපි’ එම ඝාතන කළ බව තමා පැවසූ බවයි.

එමෙන්ම අලිමංකඩ ත්‍රස්ත මෙහෙයුමට නායකත්වය දුන්නේ තමා නොව මියගිය භානු නැමැති කොටි නායකයා බවත් ඔහු පවසා ඇත.

Leave a Reply

Your email address will not be published. Required fields are marked *

Post comment