Featured

Share now!

පාස්කු ඉරිදා කටුවාපිටිය දේවස්ථානයට මරාගෙන මැරෙන බෝම්බ ප්‍රහාරයක් එල්ල කළ මොහොමඩ් හස්තුන්ගේ බිරිඳ වූ පුලස්තිනී රාජේන්ද්‍රන් හෙවත් සාරා නමැත්තිය සයින්දමරුදු මරාගෙන මැරෙන බෝම්බ ප්‍රහාරයේ අවසන් මොහොතේදී ඉන්දියාවට පලාගොස් ඇතැයි බුද්ධි අංශ තහවුරු කරගෙන තිබේ.

සයින්දමරුදුහී නිවසක සිදුවූ පාස්කු ඉරිදා බෝම්බ කරුවන්ගේ බිරින්දෑවරු සහ දරුවන් මියගිය මරාගෙන මැරෙන බෝම්බ ප්‍රහාරය සිදුකිරීමට ඔන්න මෙන්න තිබියදී පවා ඇය එහි සිට ඇති බවට අනාවරණය වී ඇත.

ඇය අවසන් මොහොත දක්වා එම නිවසේ සිටි බවට සහරාන් හෂීම්ගේ බිරිඳ ද මීට පෙර හෙළිකර තිබුණි.

ඇය එම අවස්ථාවේ ඉන්දියාවට ගෙනයන ලද්දේ එරට රෝ රහස් ඔත්තු සේවය බවට සැක මතුවී තිබේ.

ඊට හේතු වී ඇත්තේ ඇය පෙර සිටම ඉන්දියාවේ රෝ ඔත්තු සේවයේ ඔත්තු කාරියක් බවට කරුණු මතුවෙමින් පැවතීමයි.

පාස්කු ඉරිදා දිනයේ මරාගෙන මැරෙන බෝම්බ ප්‍රහාර මාලාවක් සිදු වනු ඇති බවට ඉන්දියාවේ රෝ ඔත්තු සේවය විසින් බෝම්බකරුවන්ගේ සැබෑ නම් ද සහිතව තොරතුරු පෙර සිටම ලබාදෙන්නේ සාරා නමැත්තියගෙන් එම ඔත්තු සේවයට ලද තොරතුරුවලින් වියහැකි බවට ද සැක මතුවී ඇතැයි බුද්ධි අංශ තොරතුරු අනාවරණය කරයි.

සාරා නමැත්තිය දෙමළ කාන්තාවක් වන අතර ඇය මොහොමඩ් හස්තුන් නැමැත්තා සමග විවාහ වීමත් සමග ඉස්ලාම් ආගමට බඳවාගෙන ඇත.

ඇය දෙවැනි ප්‍රහාරය සඳහා සූදානම් වූ එක් බෝම්බ කාරියක් බවට ද මීට පෙර තොරතුරු අනාවරණය වී තිබුණි.

Leave a Reply

Your email address will not be published. Required fields are marked *

Post comment