ප්‍රබෝධා හෙට්ටිආරච්චි
ශ්‍රී ලංකාවේ සිට ඉන්දියාවේ ධනුෂ්කෝඩි වෙත පෝක් සමුද්‍රසන්ධිය හරහා කිලෝමීටර් 32කට වැඩි දුරක් පිහිනා ගිය දරුවකු පිළිබද පුවතක් ඉන්දියාවේ තමිල්නාඩු ප්‍රාන්තයෙන් වාර්තා වේ.
10 හැවිරිදි ජායි ජස්වන්ත් නමැති ඔහු ඉන්දියාවේ පිහිනීම පිළිබද ජාතික මට්ටමේ රන් පදක්කම් දිනූ දරුවෙකි.
නව වාර්තාවත් සමග පෝක් සමුද්‍රසන්ධිය අඩුම කාලයකින් තරණය කළ ළාබාළතම පිහිනුම්කරු බවට ජස්වන්ත් පත්වෙයි.
ඔහු තලෙයිමන්නාරම සිට පිහිනීම අරඹා තිබුණේ අලුයම 4ට ය.
පිහිනා යන අතරතුර ඔහු ශක්තිජනක පාන පමණක් භාවිත කළ බව ඔහුගේ පිහිනීම අධීක්ෂණය කළ නාවික වෙරළාරක්ෂක බළකා භටයින් පවසා තිබේ.
කෙසේවෙතත් ඔහු පස්වරු 2.30 පමණ වනවිට ඉන්දියාවේ ධනුෂ්කෝඩි වෙරළට ළගාවී තිබේ.
ඒ අනුව ජස්වන්ත් පෝක් සමුද්‍ර සන්ධිය තරණය කරමින් එකදිගට පැය 10යි විනාඩි 30ක් පුරා පිහිනා ගොස් ඇත.
ජස්වන්ත් තමිල්නාඩු ප්‍රාන්තයේ පදිංචිකරුවෙකි.
