විශේෂාංග

Share now!

 

රූපවාහිනියට ඇබ්බැහිවීම යනු ඔබ සිතනවාටත් වඩා වැඩි අහිතකර ප්‍රතිඵල අත්කරදෙන විනාශකාරී ඇබ්බැහියක් බව,  මේ වනවිට බටහිර රටවල් රැසක විශේෂඥයින් සිදුකර ඇති පර්යේෂණ හරහා අනාවරණය වී ඇත.

ඒ අනුව ඔබ රූපවාහිනිය නැරඹීම සීමා කල යුත්තේ ඇයිද යන්නට becomingminimalist.com වෙබ් අඩවිය දක්වා ඇති  හේතු සාධක දහයක් පහත දැක්වේ .   .

 

ලෝකය පිලිබඳ නිවැරදි අවබෝධයක් ඇතිකර ගැනීමට එය බාධාවකි

අධික ලෙස රූපවාහිණියට ඇබ්බැහි වූ විට , සැබෑ ලෝකය යනු රූපවාහිනියෙන් පෙන්වන ලෝකය බවට වන වැරදි වටහාගැනීමක්  ඔබ  තුල ඇතිවේ . විශේෂයෙන් රූපවාහිනී ටෙලි නාට්‍ය , විවිධ විචිත්‍රාංග හරහා පමණක් නොව යතාර්තයට බොහෝ කිට්ටු යැයි පවසන , රූපවාහිනී වාර්තා වැඩසටහන් , රියැලිටි වැඩසටහන් හා සාකච්ජාමය වැඩසටහන් වලින් පවා ලෝකයේ සැබෑ ස්වරූපය නිවැරදි ලෙස නිරූපණය  නොවන බව මතක තබා ගත යුතුය .

 

එය ඔබගේ වියදම් රටාවට අනිසි බලපෑම් එල්ල කරයි – 

රූපවාහිණියට ඇබ්බැහි වූ විට , ඔබ නොදැනුවත්වම එහි ප්‍රචාරය වන වෙළඳ දැන්වීම් වල බලපෑමට ඔබ නතුවේ . ඒ හරහා අනිසි හා අනවශ්‍ය වියදම් සඳහා ඔබ යොමුවනු ඇත . වෙළඳ දැන්වීම් වලට රැවටීමට තරම් ඔබ  දුර්වලයෙකු  , මෝඩයෙකු නොවේයැයි  කොතෙක් සිතුවද , සත්‍යයය  එය නොවේ . ලොව පුරා විවිධ බහුජාතික සමාගම් , ව්‍යාපාරක ආයතන , රූපවාහිනී දැන්වීම් සඳහා ඩොලර් ට්‍රිලියන ගණනක් වියදම් කරන්නේ  ඔවුන්  ඒ බව හොඳින්ම දන්නා නිසාය . තමන් මෙම දැන්වීම  වියදම් කරන මෙම සුවිශාල මුදල් කන්දරාව කිසිසේත් අපතේ නොයන බව ඔවුන් හොඳින්ම දනී .

 

එය ඔබ වටා සිටින ” සැබෑ ” පුද්ගලයින්ගෙන් ඔබ ඈත් කරයි .-

රූපවාහිනිය තුල ඔබ දකින චරිත , සත්‍ය හා ස්වාභාවික චරිත නොවේ . ඒ චරිත මනඃකල්පිතය . එම චරිත සැබෑ චරිත  ලෙස වරදවා  වටහාගතහොත් ඔබ සැබෑ ලෝකයෙන් දුරස් වනු ඇත . සැබෑ ජීවිතයේ ඔබ වටා සිටින  සැබෑ පුද්ගලයින් වෙතින්ද ඔබ දුරස් වනු ඇත . ඔබට සැබෑ ජීවිතයේදී මුහුණ දීමට සිදුවන සැබෑ ගැටළු හා අභියෝගයන් හමුවේ ඔබේ  සහයට එන්නේ එම සැබෑ පුද්ගලයින් මිස , රූපවාහිනියේදී  ඔබට හමුවන  මනඃ කල්පිත චරිත නොවන බව සිහියේ තබාගන්න .

 

එය ඔබේ වටිනා මානසික ශක්තිය මංකොල්ල කයි , අපතේ යවයි –

රූපවහිනියට ඇබ්බැහි  වූවිට එය ඔබේ අවධානය ” ප්‍රාණ ඇපයට ” ගනී . වෙනත් දෙයක් වෙත අවධානය යොමු කිරීමට ඇති ඉඩකඩ ඇහිරී යයි .

 

ඔබ සිතනාවාට වඩා වැඩි මුදලක් ඊට වැයවේ – 

රූපවාහිනිය සඳහා වැයවන විදුලි ප්‍රමාණය ඔබ සිතනවාට වඩා අධිකය . එම නිසා මාසික විදුලි බිල ඉහල යන අතරම රූපවාහිනියේ සෙසු  නඩත්තු හා අලුත්වැඩියාවන් සඳහාද මේ වනවිට ගෙවිය යුතු ගාස්තු ඉහල ගොස් ඇත . එපමණක් නොව රූපවාහිනිය සමග මේ වනවිට සම්භන්ධවී ඇති විවිධ කේබල් ටී වී සේවා , චන්ද්‍රිකා රූපවාහිනී සේවා , ( ඩයලොග් , පියෝ ටී වී ,  වැනි ) සඳහා ද ඔබට මාසිකව විශාල මුදලක් වැයකිරීමට සිදුවේ .

 

එය ඔබේ  තාර්කික බුද්ධියට හා පැහැදිලි අවබෝධයට  හානිකරයි , –

රූපවාහිනිය හරහා සෑමවිටම වාගේ යතාර්ථය  අනවශ්‍ය ලෙස සරල කර දක්වයි . ඕනෑම ගැටළුවක් ඉතා පහසුවෙන් විසඳිය හැකි බවට වන වැරදි අවබෝධයක් ඒ හරහා ඔබ තුල  ඇතිවේ . ප්‍රායෝගික ජීවිතයේ ගැටලුවලට මුහුණ දීමේදී මෙය ඔබට බරපතල බාධාවක් වනු ඇත .

 

එය ඔබේ සෞඛ්‍යයට හානිදායකය –

මේ වනවිට ලොව පුරා විවිධ විද්‍යාත්මක පර්යේෂණ රැසකින් අනාවරණය වී ඇත්තේ රූපවාහිනියට ඇබ්බැහිවීම හරහා ඔබේ සෞඛ්‍යයට දැඩි බලපෑම් එල්ලවිය හැකි බවය . විශේෂයෙන්ම ස්ථූල භාවය ,  ඇස් රෝග , ඇතුළු ශාරීරික රෝග මෙන්ම අවපීඩනය වැනි මානසික රෝගද මේ හරහා ඇතිවිය හැක.

 

එය ඔබේ ජීවිතයේ තෘප්තිමත්භාවය  නැති කරයි – 

Journal of Economic Psychology, විසින් සිදුකල නවතම පර්යේෂණයකට අනුව රූපවාහිනිය නැරඹීමට ඇබ්බැහිවූවන්ගේ ජීවිත තෘප්තිමත් භාවය ඉතා අඩුය . ඔවුන් නිතරම අසහනකාරේ හා අතෘප්තිමත් මානසික භාවයකින් යුක්තවන බව මෙහිදී අනාවරණය වී ඇත . එසේම කාංසාව වැනි තත්වයන් වලින්ද එම පිරිස් පෙලෙන බව මෙහිදී අනාවරණය වී ඇත .

 

එය ලිංගික ජීවිතයේ අඩුපාඩු ඇතිකරයි – 

රූපවාහිනිය තම නිදන කාමරයේ තබාගෙන සිටින යුවලකගේ ලිංගික ජීවිතය , එසේ තබා නොගන්න යුවලකගේ ලිංගික ජීවිතයට වඩා අසාර්ථක බවද මේ එනවිට අනාවරණය වී ඇත .

 

එය ඔබ වටිනා කාලය කා දමයි , වටිනා අවස්ථා අපතේ යවයි –

සාමාන්‍යයෙන් යුරෝපීය වැසියෙකු දිනකට පැය 6කත ආසන්න කාලයක් රූපවාහිනිය නරඹයි. ඊට ඇබ්බැහිවූවෙකු ඊටත් වඩා වැඩි කාලයක් රූපවාහිනි නරඹයි . මෙයින් අපතේ යන්නේ ඔබ සතු වටිනා කාලයයි , ව්‍යායාම කිරීමට ,සොබාදහම විඳීමට , පවුලේ අය සමග විනෝදවීමට , පොතක් පතක් කියවීමට , භාවනා කිරීමට , එසේත් නැතිනම් ඔබගේ ජීවිතයේ සාර්ථකත්වය වෙනුවෙන් වූ දෙයකට වැයකිරීමට තිබු ඔබගේ වටිනා කාලයයි .

 

Life is meant to be lived, not watched. To get you started living your life rather than watching others live theirs, consider these ten reasons to watch less television.

 

 

 

Leave a Reply

Your email address will not be published. Required fields are marked *

Post comment