BREAKING NEWSවිදෙස්

Share now!

රටවල් 106ක මිලියන 533 කට අධික ෆේස්බුක් භාවිතා කරන්නන්ගේ පුද්ගලික තොරතුරු හැකර් කෙනෙකු (අනවසරයෙන් දත්ත සොරාගන්නකු) විසින් නොමිලේම ලබාගත හැකි පරිදි අන්තර්ජාලයට මුදාහැර තිබෙන අතර ෆේස්බුක් නිර්මාතෘ, ප්‍රධාන විධායක මාක් සකර්බර්ග්ගේ ජංගම දුරකථන අංකය ඇතුළු තොරතුරු ද එහි තිබෙන බවට අනාවරණය වෙයි.

සකර්බර්ග්ගේ නම, ස්ථානය සහ විවාහ තොරතුරු, උපන්දිනය සහ ෆේස්බුක් පරිශීලක අනන්‍යතාවය ද ඇතුළත් වූ බව සයිබර් පර්යේෂක ඩේව් වෝකර් තහවුරු කළේය. ෆේස්බුක් සම-නිර්මාතෘවරුන් වන ක්‍රිස් හියුස් සහ ඩස්ටින් මොස්කොවිට්ස්ගෙ සමාන පෞද්ගලික තොරතුරු ද කාන්දු වූ දත්ත අතර ඇතුළත් කර තිබුණි.

අමෙරිකාවේ පරිශීලකයින්ගේ ගිණුම් මිලියන 32 කට අධික සංඛ්‍යාවක්, එක්සත් රාජධානියේ පරිශීලකයින් මිලියන 11 ක් සහ ඉන්දියාවේ පරිශීලකයින් මිලියන 6 කගේ දත්ත ද ඊට අයත් වේ.

ඔවුන්ගේ දුරකථන අංක, ෆේස්බුක් හැඳුනුම්පත්, සම්පූර්ණ නම්, ස්ථාන, උපන්දිනය, බයෝස් සහ සමහර ඊමේල් ලිපින ද මුදාහැර ඇත.

ෆේස්බුක් සමාගම තොරතුරු කාන්දු වූ දත්තවල නියැදියක් සමාලෝචනය කර තිබේ.

ෆේස්බුක් ප්‍රකාශකයෙකු පවසා ඇත්තේ 2019 දී සමාගම විසින් ඇති කර තිබූ අනාරක්ෂිත භාවය හේතුවෙන් දත්ත මෙලෙස අයථා භාවිතයට හා අනාවරණයට ලක්වූ බවයි.

Leave a Reply

Your email address will not be published. Required fields are marked *

Post comment