BREAKING NEWSක්‍රීඩා

Share now!

ලංකා ප්‍රිමියර් ලීග් (එල්.පී.එල්.) තරගාවලිය කළින් සැලසුම් කළ පරිදිම ජූලි මස 30 වැනිදා සිට අගෝස්තු මස 22 වැනිදා දක්වා පැවැත්වීමට ශ්‍රී ලංකා ක්‍රිකට් ආයතනය බලාපොරොත්තු වෙන බව යළිත් වරත් අවධාරණය කර සිටියි. දෙවැනි වතාවටත් පැවැත්වෙන එල්.පී.එල්. තරගාවලිය කණ්ඩායම් 5 කගේ සහභාගිත්වයෙන් ජූලි මස 30 වැනිදා සිට අගෝස්තු මස 22 වැනිදා දක්වා පැවැත්වෙනු ඇත.

එල්.පී.එල්. තරග ඉතිහාසයේ අභිනව තරගාවලිය ඉකුත් 2020 වසරේදී අන්තර්ජාතික රසයද සමඟව කණ්ඩායම් 5 කගේ සහභාගිත්වයෙන් හම්බන්තොට මහින්ද රාජපක්ෂ ක්‍රීඩාංගණයේ පැවැති අතර එහි ශූරතාව දිනා ගැනීමට තිසර පෙරේරාගේ නායකත්වයෙන් යුත් ජැෆ්නා ස්ටැලියන්ස් කණ්ඩායම සමත්විය.

එම තරගාවලිය ලොව පුරා වූ ක්‍රීඩා ලෝලීන්ගේ දැඩි අවධානය දිනාගත් තරගාවලියක් බවට පත්වූ අතර රූපවාහිනී සහ ඩිජිටල් මාධ්‍ය වේදිකා හරහා තරගාවලියේ අවසන් මහ තරගය මිලියන 135 කට අධික සංඛ්‍යාවක් නැරඹූහ.

එම වසරේදී තරගාවලිය ජෛව පරිසරයකට යටත් කොට පැවැත්වුණු අතර මේ වසරේදීද එම තරගාවලිය සුරක්ෂිතව පැවැත්වීම සෞඛ්‍ය අමාත්‍යාංශයේ පූර්ණ උපදෙස් අනුව සැලසුම් කෙරෙනු ඇත.

 

Leave a Reply

Your email address will not be published. Required fields are marked *

Post comment